Tecnolochía

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

A parabra tecnolochía data d'o sieglo XVIII, quan a tecnica, historicament empirica, empecipia a vinclar-se con a sciencia y s'empecipian a sistematizar os metodos de producción. A tecnolochía surte quan s'enfocan determinatos problemas tecnicos socials con una concepción scientifica y dintro d'una cierta bastida economica y sociocultural; ye intimament vinclada con a sciencia y a complementariedat entre as dos se incrementa cada vegada más. A tecnolochía emplega o metodo scientifico, comprende o saber sistematizato y en o suyo accionar se manulla tanto a ran practico como conceptual, ye dicir, que abraca lo fer y a suya reflexión teorica. A tecnolochía ye o conchunto ordenato de conoiximientos y os correspondients enantos que tienen como obchectivo la producción de cabals y servicios, tenendo en cuenta la tecnica, a sciencia y os aspectos economicos, socials y culturals embrecatos. L'alcance d'o termin se estendilla a los produtos resultants d'ixos enantos que deben responder a necesidatz u deseyos d'a sociedat y tener como preposito contrebuir a amillorar a calidat de vida. Quan a tecnolochía busca una solución a los problemas que se planteyan en a sociedat, lo fa relacionando a tecnica (os suyos conoiximientos, trastes y capacidat inventiva), con a sciencia (o campo d'os conoiximientos scientificos) y con o tarabidau economico y sociocultural d'o medio (as relacions socials, as formas organizativas, os modos de producción, os aspectos economicos, a bastida cultural, entre atros aspectos). Resumindo, se puede dicir que la sciencia ye ligada a lo deseyo de l'hombre de conoixer, mientres que la tecnica y a tecnolochía lo son a la voluntat de l'hombre de fer, ta satisfer os suyos deseyos y necesidatz.

Bibliografia

• Ciapuscio, Héctor; Nosotros y la tecnología; Edit. Agora; Buenos Aires (Argentina); 1999; ISBN 987-96235-5-X.

Vinclos externos

• Se veigan as imachens de Commons sobre Technology.
• Listato de pachinas web sobre tecnolochía.