Sueldo (moneda)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Sueldo †
Información cheneral
Ambito:	Aragón Catalunya Navarra Francia
Valors
Equivalencias:	12 diners

Sueldo ye como se diz en aragonés medieval a una moneda heredera dreita d'o sueldo carolinchio, que prene nombre de lo solidus romano.

Lo sueldo yera una unidat de cuenta de lo sistema carolinchio que corresponeba a la vintena part de la libra y que se dividiba en 12 diners y 24 ovolos u mallas. D'astí en derivoron dimpués los sueldos navarros, aragoneses, catalans y franceses, ditos estos zaguers en singular sou, pasando por la palabra intermeya solt. En los países chermanicos Solidus s'adaptó como Schilling u shilling.

Sueldos en Aragón

Lo termin navarro-aragonés sueldo ye la evolución en romanz local de la palabra latina SOLIDUS por diftongación -ue- de la -O- curta. Maninemos a sobén en os textos medievals s'escribe latinizato como solido. Ha tenido diferents equivalencias:

• Vintena part de la libra, seguntes los Fueros d'Aragón y Teruel.
• Moneda con valura de ueito cuartos, seguntes Borao y Pardo Asso.
• Meyo reyal de plana, seguntes lo Diccionario de autoridades.

Doce diners chaqueses formaban un sueldo chaqués.

Sueldos en Catalunya

Se i clamaban sous:

• Lo sou barceloní, sou de plata u, simplament, sou yera una moneda d'archent que Pero III d'Aragón acunyó por primera vegata en l'anyo 1285. La suya valura yera de 12 diners de tern. Por lo feito d'estar una moneda d'alta valura lo suyo nombre se fosilizó en expresions como tenir moles sous o costar moles sous, con lo sentito d'un dineral, muitos sieglos dimpués d'estar fuera de curso.
• Lo sou de Perpinyà, tamién de plata, yera una moneda rosellonesa de tiempos de Carlos I d'Aragón.
• Lo sou d'Eivissa yera una moneda ibicenca de bellón acunyata tamién dende Carlos I d'Aragón.
• Los cinc sous yeran en conchunto una moneda de plata que s'emplegó en bellas poblacions de Catalunya mientres la Guerra de los Segadors. Valeba la mitad de la moneda de cinco reyals.

Sueldos en Francia

Sol de Loís XV de Francia de lo 1767

• Lo sou, enantes clamato solt (en lo sieglo XI) y sol (a partir de lo sieglo XII), yera una moneda de l'Antigo Rechimen que equivaleba a la vintena part de la libra tornesa y se subdividiba en 12 deniers (u diners). En 1787, lo poder adquisitivo d'un sol yera d'alto u baixo lo d'un euro de 2005.
• D'astí enta debant, se deciba sou a la vintena part de lo franco y valeba 5 centimos.

Bibliografía

• (es) Maria Rosa Fort Cañellas. Léxico romance en documentos medievales aragoneses (Siglos XI y XII). Departamento de educación y cultura de la DGA.

• Datos: Q1003363