Sustén
Un sustén[1][nota 1] u tamién dito popero[1] ye un elemento de ropa interior femenina que consiste en dos cazoletas que cubren totalment u parcial o peito como suporte u ocultador.
A mas d'a connexión d'as cazoletas, tien por un regular dos bandas laterals que se sustenen l'una a l'atra por a esquena u a parti anterior sobre o peito, y dos tirants sobre os huembros, que s'unen a las bandas por a esquena. Atros tipos de sustens sustenen sin cubrir o peito, u sin cubrir o pezón (nomás a parti d'abaixo), mientres que atros sustenen sin tirants en o huembro.
Ista pieza substituye a la cotilla, que consistiba en una mena de camisa que susteneba o peito con cordons (y cenyiba de forma cerenya tot o tronco). A introducción d'o sustén ye relativament recient. O 3 d'octubre de 1914, Mary Phelps patentó un sustén primitivo que sería l'orichen de l'actual sustén emplegau arredol d'o mundo. O cine contribuyió a la suya difusión, estando popularizau por artistas como Jane Russell ta qui Howard Hughes fació disenyar un sustén que prochectaba o peito de l'actriz entabant.
Notas
[editar | modificar o codigo]- ↑ Con a variant sostén
Referencias
[editar | modificar o codigo]- ↑ 1,0 1,1 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
Se veiga tamién
[editar | modificar o codigo]| Control d'autoridaz |
|
|---|
Datos: Q13716
Multimedia: Brassieres / Q13716