Howard Hughes
| Howard Hughes | |
|---|---|
 Howard Hughes en una imachen de 1938. | |
| Información personal | |
| Nombre real | Howard Robard Hughes Jr. |
| Calendata naiximiento: | 24 d'aviento de 1905 |
| Puesto naiximiento: |  Houston (Texas, Estaus Unius)
|
| Calendata muerte: | 5 d'abril de 1976 |
| Puesto muerte: | En un avión en rota enta Houston (Texas, Estaus Unius)
|
| Enterreco | Cementerio Glenwood de Houston (Houston) |
| Ocupación: | Interpresario, director cinematografico, productor cinematografico, guionista |
| Alma Máter | California Institute of Technology Universidat Rice |
| Conchuche: | Ella Botts Rice (1925-1929, esvurcio) Jean Peters (1957-1971, esvurcio) |
Howard Robard Hughes Jr., naixiu de Houston (Texas, Estaus Unius) o 24 d'aviento de 1905 y muerto en un avión en rota enta Houston (Texas, Estaus Unius) 5 d'abril de 1976, estió un controvertiu interpresario, director cinematografico, productor cinematografico, guionista, piloto, y filantropo estausunidense, muit vinclato con o cine estausunidense y con o mundo de l'aviación, arias de l'actividat humana a on i destacó especialment. Considerau como una persona d'alta excentricidat y partidario d'un estilo de vida muit retirau, se creye que padeixeba un trastorno obsesivo-compulsivo, dolors cronicos y xordera.
En o mundo d'o cine estausunidense lo suyo nombre prencipio a tener prestichio dende finals d'os anyos 1920, con as cintas The Racket (1928, Lewis Milestone), Hell's Angels (1930, dirichida por ell) y Scarface (1932, tamién dirichida por ell). En 1948 mercó la productora RKO Pictures, una d'as cinco productoras d'a Edat d'oro de Hollywood, encara que la companyía dixó d'existir en 1957.
En o mundo de l'aviación, Howard Hugues fundó en 1932 Hughes Aircraft Company, adedicada a la producción de material ta la defensa y con bellos contractos con o Gobierno estausunidense. Batió bellas vegadas lo Récord de Velocidat Aeria con avions experimentals d'a suya companía, cxomo lo Hughes H-1 Racer u Hughes H-4 Hercules, en recibindo amás bellos reconoiximientos y distincions por a suya labor en iste campo.
Commonscat[editar | modificar o codigo]
Se veigan as imachens de Commons sobre Howard Hughes.- (en) Howard Robard Hughe en IMDb.
- (en) Howard Robard Hughes en o National Aviation Hall of Fame.
