Serpentes
 |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Serpentes | |
|---|---|
 | |
| Denominacions populars | |
sirpients, sierpes, ofidios | |
| Clasificación cientifica | |
| Eukaryota | |
| Animalia | |
| Eumetazoa | |
Filo: |
Chordata |
| Vertebrata | |
| Tetrapoda | |
| Sauropsida | |
| Squamata | |
| Serpentes | |
| Descripción | |
Serpentes Linnaeus, 1758 | |
| Distribución cheografica | |
 | |
As sirpients[1], sierpes[1] u ofidios[1] (nombre cientifico Serpentes, antes Ophidia), son una suborden d'a clase reptils y de l'orden d'os escamososs (Squamata) caracterizato por una sola fila d'escamas ventrals y una locomoción sin patas (encara que no son os solos), con ondulacions d'o cuerpo pareixitas a la traza de nadar d'os peixes.
Aparato dichestivo
[editar | modificar o codigo]
Una d'as cosas mes determinants en a evolución d'os ofidios ye l'adaptación a lo consumo de grans presas, que se tragan enteras.
Boca
[editar | modificar o codigo]O esqueleto cranial presenta unas hemimandibulas inferiors no unitas entre ellas que por un ligamento de teixito conchuntivo elastico, con o que se pueden deseparar amplament l'auna de l'atra. Tamién bi ha en estas hemimandibulas unas articulacions intermedias que permiten cierta mobilidat a lo dentario. Falta l'arco cigomatico superior. Os fenomenos d'estreptostilia y cinesi se troban por un regular mes desarrollatos en os ofidios que en garra reptil. Cuasi toz os uesos d'o cranio, de fueras d'os d'a caixa cranial son mobils en mayor o menor mesura.
Os dients son curvatos enta dezaga y agutas, se troban sobre a mandibula y os uesos d'o paladar pero no en o premaxilar, impiden que as presas resbalen mientres a deglución. Os dients son pleurodontos, cayedizos que se renuevan a sobén. Bi ha cuatro tipos de dentición seguntes a posición y estructura d'os dients (aglifa, opistoglifa, proteroglifa y solenoglifa); os tres zaguers con dients modificatos que inchectan vereno. Bellas especies, como a cobra d'a especie Naja nigricollis, presentan os dients modificatos ta escupir el vereno a mas de cuatro metros.[2]
O esofago ye gran y distensible, as presas i permaneixen muito tiempo mientres una lenta dichestión estomacal encomienza en o cabo anterior. Os minchars s'espacian muito, a vegatas semanas, y dica meses.
Aparato locomotor
[editar | modificar o codigo]
L'ausencia d'extremidaz ye total por o que fa a lo par anterior, pero puet haber-ie vestichios d'a cintura pelviana bel elemento d'extremidat (unglas a los dos costaus d'a cloaca) en bella especie.
Pa ondular-se o cuerpo en a locomoción se diferencia una musculatura d'a paret d'o cuerpo que se refirma en costiellas mobils y fuertes. Manimenos, los ofidios no tienen espineta u esternón por haber-se atrofiau las patas y las cinturas ligadas a éls.[3]
A columna vertebral se fa muito flexible y luenga, con 200-400 vertebras que tienen superficies adicionals d'articulación por d'encima d'as normals, entre unos procesos en as caras anteriors (cigantros) y atros en as caras posteriors (cigosfenos).
Pa poder agarrar-sen millor a lo suelo as escamas d'a superficie ventral s'ordena, ixampladas, en una sola fila. Bella sirpient ye capable de mover-sen con estas escamas transversals y una musculatura especial, mesmo con o cuerpo extendiu en linia recta, sin ondulacions laterals, con a forma d'as erucas. Os movimientos d'as sirpients son a mes a saber-lo d'efectivos en l'augua y "brancamen" d'os arbols, y belunas son escarvadoras. Ciertos escurzons y sirpients de cascabel tienen un modo de meter-sen en l'arena enfilando o cuerpo d'alto u baixo perpendicular a lo sentiu d'a marcha.
Organos d'os sentitos
[editar | modificar o codigo]
Os parpiellos s'han soldato y son trasparents, y son como unas gafas. No tienen membrana nictitant ni aniellos d'esclerotica. Os musclos oculars son simplificatos, a imachen s'enfoca por desplazamientos de debant enta dezaga d'o cristalín. As sirpients diurnas no tienen conos normals, tienen conos dobles que pareixen deribatos d'os bastons.
No tienen forato auditivo externo, ni tempán, ni cambra timpanica, ni trompas d'Eustaquio. A columela ye refirmata en o cuadrato (a traviés d'o que a mandibula pareix que reculle as vibracions d'o suelo). L'organo de Jacobson se troba muito desarrollato, y en a suya función colabora con a luenga, mobil y con forma de forca, retraible en l'interior d'una porción basal gruesa como una funda.
Bi ha fosetas sensorials que detectan radiacions caloricas y infrarroyas en posición labial (Boidos) u debant d'os uellos (Viperidos) como as sirpients de cascabel y otros Crotalinae, y permiten detectar mamifers y aus en a escuridat.
Evolución
[editar | modificar o codigo]
Pareix que as sirpients provienen d'un grupo d'engardaixos excarvadors, d'habitos sotorranyos que secundariament tornoron a la superficie. Esto explicaría a manca de patas y d'oido meyo y externo, y a estructura d'os uellos, reconstruitos en una evolución a partir d'organos vestichials d'alcuerdo con un patrón diferent d'os atros reptils. Atros autors han proposato imáchens a partir de formas nadadoras (bi ha sirpients nadadoras).
Os varanos (Varanidae) actuals pareixen estar o grupo de saurios mes a man d'os ofidios: se pareixen en a forma d'a luenga, en l'articulación intramandibular y en l'arquitectura cranial. A mes una familia extinta d'a superfamilia Varanoidea, os Mosasauridae, yeran acuaticos u marins.
O rechistro fósil d'os ofidios encomienza en o Cretacio superior, con formas pareixitas a las boas actuals.
As sirpients actuals, con 3000 especies son un grupo con gran exito evolutivo. Con 11-12 familias, a clasificación d'os ofidios se fa en tenendo en cuenta rasgos como a retención u no de restos d'a cintura pelvica y extremidaz posteriors, a forma d'o cranio, y d'a suspensión mandibular, a dentición, a presencia de verenos y tamién a forma y disposición d'os dients inoculadores y os tipos d'escamas.
Bibliografía
[editar | modificar o codigo]- Adolfo Aguilar, Eduardo de Juana y Arturo Morales. Historia Natural, tomo 6 Zoología - Vertebrados. Carroggio, 1989.
- Mehrtens, J. Living Snakes of the World in Color. Nueva York: Sterling, 1987, ISBN 0-8069-6461-8.
- Freiberg, M., The World of Venomous Animals. Nueva Jersey: TFH Publications, 1984, ISBN 0-87666-567-9.
- Mundkur, Balaji, The Cult of the Serpent. SUNY Press, 1983, ISBN 0-87395-631-1.[4]
Referencias
[editar | modificar o codigo]- 1 2 3 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ Bruna Azara, C.: 1995. Animales venenosos. Vertebrados terrestres venenosos peligrosos para el ser humano en España. Bol. SEA, 11: 32-40.
- ↑ (es) ROMER, Alfred Sherwood, PARSONS, Thomas S.: Anatomía comparada. Editorial Interamericana, 1981. p 141.
- ↑ (en)
Vinclos externos
[editar | modificar o codigo]
Se veigan as imáchens de Commons sobre Serpentes.
Wikispecies tiene un articlo sobre Serpentes.- (en) Imáchens de serpentes.
