Sira Repollés Lasheras
| Sira Repollés Lasheras | |
|---|---|
| |
| 14 de mayo de 2020 – 11 d'agosto de 2023 | |
| President | Javier Lambán Montañés |
| Precediu por | Pilar Ventura Contreras |
| Succediu por | José Luis Bancalero Flores |
| Naiximiento | 10 de chulio de 1963 Zaragoza (Aragón)
|
| Partiu | Partido Socialista Obrero Español |
| Conchuche | Javier Trívez |
| Profesión | Medica |
| Alma Máter | Universidat de Zaragoza |
Sira Repollés Lasheras ye una medica y politica aragonesa que estió consellera de Sanidat d'o Gubierno d'Aragón.
Biografía[editar | modificar o codigo]
Naixida de Zaragoza, o 10 de chulio de 1963. Filla de l'exalcalde de Casp y expresident d'a Deputación Provincial de Zaragoza, Florencio Repollés Julve.[1][2][3]
Se licenció en Medicina y Cirurchía en 1987, en a Universidat de Zaragoza, a on estió companyera de Fernando Simón, encara que se conoixen dende a chiqueneza.[4][5] Ye medico especialista en Obstetricia y Chinecolochía dende 1992. Ha exerciu como vicepresidenta de l'Asociación de Chinecologos d'Aragón, vicepresidenta d'a Sociedat Aragonesa d'Anticoncepción y ye miembro d'a Chunta Directiva d'a Sociedat Espanyola de Contracepción. Ye profesora asociada de Ciencias d'a Salut d'a Facultat de Medicina d'a Universidat de Zaragoza.
Vida politica[editar | modificar o codigo]
Sonó como candidata en as eleccions municipals de 2015 como numero 2 en a lista d'o PSOE de Zaragoza de Carlos Pérez Anadón, encara que o suyo mariu, Javier Trívez Bielsa, exerció como portavoz d'Hicienda en o Concello de Zaragoza.[1]
Consellería de Sanidat[editar | modificar o codigo]
O 14 de mayo de 2020[2] prenió posesión como Consellera de Sanidat d'o Gubierno d'Aragón, y sustituyó a Pilar Ventura que dimitió d'o suyo cargo[6] dimpués d'unas polemicas declaraciones en a Comisión de Sanidat d'as Corz d'Aragón.
A chestión de Repollés ha estau marcada por a pandemia de COVID-19.[3] Antis de rematar o suyo mandato anunció que no seguiría en politica en a siguient lechislatura.[7]
Referencias[editar | modificar o codigo]
- ↑ 1,0 1,1 (es) La médico caspolina Sira Repollés, nueva consejera de Sanidad del Gobierno de Aragón. lacomarca.net, 15 de mayo de 2020
- ↑ 2,0 2,1 (es) La caspolina Sira Repollés, una ginecóloga vinculada a la docencia y la investigación. Heraldo de Aragón, 14 de mayo de 2020
- ↑ 3,0 3,1 (es) Sira Repollés toma posesión de su cargo y espera compensar su falta de experiencia con "ilusión". AraInfo · Diario Libre d'Aragón, 14 de mayo de 2020
- ↑ (es) La nueva consejera de Sanidad y Fernando Simón, amigos de la infancia y colegas de promoción. Heraldo de Aragón, 14 de mayo de 2020
- ↑ (es) Sira y Fernando, compañeros de orla: de compartir las aulas... a luchar contra el coronavirus treinta años después. 20minutos.es, 14 de mayo de 2020
- ↑ (es) Pilar Ventura dimite como consejera de Sanidad tras las protestas de los sanitarios. Heraldo de Aragón, 12 de mayo de 2020
- ↑ (es) Repollés confirma que no seguirá en política la próxima legislatura. Heraldo de Aragón, 21 de marzo de 2023
| Predecesor: Pilar Ventura Contreras |
Consellera de Sanidat d'o Gubierno d'Aragón 14 de mayo de 2020 - 11 d'agosto de 2023 |
Succesor: José Luis Bancalero Flores |