Fernando Simón

De Biquipedia
Ir a la navegación Ir a la búsqueda
Fernando Simón
Fernando Simón

Fernando Simón


Escudo de España (mazonado).svg
Director d'o Centro de Coordinación d'Alertas y Emerchencias Sanitarias
Actualment en o cargo
Dende o 2012

ECDC symbol.svg
Miembro d'o comité asesor d'o Centro Europeu pa la Prevención y Control de Malautías
President Andrea Ammon
Naiximiento 29 de chulio de 1963
Aragón Zaragoza, Aragón
Conchuche María Romay-Barja
Profesión Medico
Alma Máter Universidat de Zaragoza
Escuela d'Hichiene y Medecina Tropical de Londres

Fernando Simón Soria (Zaragoza, 1963) ye un medico epidemiologo aragonés, director dende 2012 d'o Centro de Coordinación d'Alertas y Emerchencias Sanitarias d'o Menisterio de Sanidat, conoixiu por a suya actuación como portavoz d'o comité especial sobre a malautía d'o virus de l'ebola en Espanya en 2014[1] y como portavoz d'o Menisterio de Sanidat contra a pandemia d'o SARS-CoV-2 de 2020 en Espanya,[2] malautía d'a que ell mesmo dio positivo o 30 de marzo d'ixe anyo.[3][4]

Biografía[editar | editar código]

Naixiu de Zaragoza. Su pai, Antonio Simón, estió un psiquiatra muit conoixiu en ista ciudat.[5]

Dende muit choven teneba vocación pa estudiar medecina.[5] Estudió en o Colechio bilingüe Montearagón, se licenció en medecina en a Universidat de Zaragoza, y s'especializó en epidemiolochía en a Escuela d'Hichiene y Medecina Tropical de Londres. Complementó os suyos estudios con o Programa Europeu de Formación en Epidemiolochía d'Intervención d'o Centro Europeu pa la Prevención y Control de Malautías antis d'ingresar en o Cuerpo de Medicos Titulars d'o Estau d'Espanya.

Mientres un tiempo exerció a suya profesión en lugars de Uesca y en Zaragoza capital.[5] Posteriorment treballó en distintos países d'Africa, America Latina y Europa, dominando seis idiomas.[5] En Africa vivió bells nueu anyos chunto a la suya muller, a scientifica María Romay-Barja especializada en malautías tropicals y suya familia, dica 1998, quan decidioron tornar ta Espanya.[5]

Mientres a etapa africana exerció como director d'o Centro d'Investigación en Malautías Tropicals de Manhica (Mozambique) especializau en malaria, sida y tuberculosi y d'o Hespital de Ntita (Burundi).[6] Estió en ista rechión como voluntario de Médicos Mundi entre 1993 y 1998. En iste puesto habió de concarar a guerra que esclató entre as dos etnias prencipales: os hutus y os tutsis, entre 1993 y 1999.[5]

Treballó tamién en Guatemala, Ecuador y Francia, en o Instituto de Vichilancia Epidemiolochica.[5]

Entre 2003 y 2011 estió chefe d'a Unidat d'Alerta y Respuesta d'o Instituto Espanyol de Salut Carlos III, dirichindo antimás o programa d'o Centro Nacional d'Epidemiolochía (CNE) d'Espanya

En 2012 s'incorporó como coordinador nacional d'os organismos espanyols d'o Centro Europeu pa la Prevención y Control de Malautías, estando antimás miembro del comité asesor d'iste centro.

Dende 2014 ye director d'o Centro de Coordinación d'Alertas y Emerchencias Sanitarias y da clases en a Escuela Nacional de Sanidat, integrada en o Instituto Carlos III. En iste mesmo anyo s'encargo de explicar en Espanya a evolución d'o problema sanitario chenerau a radíz d'a crisi de l'ebola.[5]

Tamién en verano de 2019 fue o encargau en Espanya d'explicar o brote de listeriosi.

Como director d'o Centro de Coordinación d'Alertas y Emerchencias Sanitarias d'o Menisterio de Sanidat dende marzo de 2020 ye a o frent d'a pandemia de COVID-19 en Espanya. A suya actuación cheneró controversias estando emponderau por uns y denostau por atros,[7][8] entre ells a oposición politica.[9][10]

El 30 de marzo Simón dio positivo por coronavirus reprenendo a suya faina dos semanas dimpués de superar a malautía.[11][12] María José Sierra Moros[13] estió a suya substituta debant d'a comunicación dende Moncloa dica que Simón recibió l'alta medica o 14 d'abril y tornó a asumir a portavocía.[14]

Vida personal[editar | editar código]

Ye casau con a scientifica María Romay-Barja, especializada en malautías tropicals, con qui tien 3 fillos.[15]

Premios y reconoixencias[editar | editar código]

Referencias[editar | editar código]

  1. (es) Red Nacional de Vigilancia Epidemiológica: A la caza de nuevos patógenos. El Médico Interactivo. 25 de noviembre 2015
  2. (es) Fernando Simón, el supermédico contra el coronavirus: ya le ganó la batalla al ébola y el zika. El Español. 1 de febrero de 2020
  3. (en) Coronavirus live news: Spain wakes to more restrictive lockdown as New York state passes 1,000 deaths. The Guardian. Ben Quinn. 30 de marzo de 2020. ISSN 0261-3077
  4. (es) Fernando Simón da positivo por coronavirus. El País. 30 de marzo de 2020
  5. 5,0 5,1 5,2 5,3 5,4 5,5 5,6 5,7 (es) El secreto mejor guardado de Fernando Simón, el hombre más visto de España por el ‘pánicovirus'. El Español. 8 de marzo de 2020
  6. (es) La verdadera historia de Fernando Simón, el científico al que las derechas atacan. El Plural. 3 de mayo de 2020
  7. (es) Fernando Simón reaparece tras superar el coronavirus: "No se han producido más curados que nuevos casos como me habría gustado". Telecinco. 14 d'abril de 2020
  8. (es) No hay que alarmar pero tampoco contar medias verdades". Antena 3. 31 de marzo de 2020
  9. (es) Hernando carga contra Fernando Simón, "una burla" para enfermos y sanitarios. Heraldo de Aragón, 19 de marzo de 2020
  10. (es) Fernando Simón, el médico que no se alarma ante el coronavirus. Pablo Linde, El País. 9 de marzo de 2020
  11. (es) Fernando Simón da positivo en coronavirus tras confirmarse el contraanálisis. 20 Minutos. 30 de marzo de 2020
  12. (es) Fernando Simón da negativo en el test de coronavirus y retoma su agenda. ABC. 14 d'abril de 2020
  13. (es) ¿Quién es María José Sierra?. WebSalud. 30 de marzo de 2020
  14. (es) Fernando Simón se recupera del coronavirus. WebSalud. 14 de abril de 2020
  15. (es) Fernando Simón: el lado más desconocido del portavoz (y ahora también portador) del coronavirus. 31 de maryzo de 2020. 65 y más - El diario de las personas mayores
  16. (es) Orden SSI/2485/2015, de 18 de noviembre, por la que se concede la Encomienda de la Orden Civil de Sanidad a don Fernando Simón Soria. 5 d'abril de 2020

Enlaces externos[editar | editar código]