Signo d'o zodiaco

Os signos d'o zodiaco

En l'astrolochía occidental, os signos d'o zodiaco representan dotze segmentos u divisions iguals d'o zodiaco. Seguntes a teoría astrolochica, os fenomenos celestials reflectan u gubiernan as actividatz humanas por o prencipio d'o macrocosmos y o microcosmos, asinas que os dotze signos se fan servir ta representar dotze personalidatz basicas d'as personas.

Os signos tradicionals

• Aries, u o Mardano (21 de marzo - 20 d'abril) - Signo de fuego d'a primavera.
• Tauro, u o Toro (21 d'abril - 20 de mayo) - Signo de tierra d'a primavera.
• Cheminis u os Cheminucos (21 de mayo - 20 de chunio) - Signo d'aire d'a primavera.
• Cancro, u o Cangrillo (22 de chunio - 22 de chulio) - Signo d'augua d'o verano.
• León, u o Leo (23 de chulio - 23 d'agosto) - Signo de fuego d'o verano.
• Virgo, u a Virchen (24 d'agosto - 22 de setiembre) - Signo de tierra d'o verano.
• Libra, u a Balanza (23 de setiembre - 23 d'octubre) - Signo d'aire de l'agüerro.
• Escurpión, u l'Arraclau (24 d'octubre - 22 de noviembre) - Signo d'augua de l'agüerro.
• Sachitario, u l'Arquero (23 de noviembre - 21 d'aviento) - Signo de fuego de l'agüerro.
• Capricorno, u a Crapa (23 d'aviento - 21 de chinero) - Signo de tierra d'o hibierno.
• Aquario, u l'Auguador (21 de chinero - 19 de febrero) - Signo d'aire d'o hibierno.
• Pisces, u os Peixes (20 de febrero - 20 de marzo) - Signo d'augua d'o hibierno.

Os signos d'o zodiaco en fuents aragonesas

En o "Libro d'el Trasoro" dicen:

los .xij.c signos, es a saber, Aries, Taurus, Gemjnjs, Cancer, Leo e Hurgo, Libra..

Aquarius, Piscis. Aquestos .xij. signos han en el firmamento vn cerclo, en el qual ellos ruedan