Cheminis (astrolochía)

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Representación y simbolo de Cheminis

Cheminis[1], també dito o signo d'os cheminucos, ye o tercer signo d'o zodiaco. O Sol lo travesa entre o 21 de mayo y o 21 de chunio, alto u baixo y seguntes l'anyo. A iste signo, lo riche Mercurio, planeta que riche os viaches curtos, a comunicación, a educación primaria, os chermans, etc. As suyas colors son l'amariello y cuantas gamas de grisos y as piedras con as que s'identifica son mas que mas o berilio y o topacio.

Se clasifica entre os elemento d'aire y de cualidat mutable. L'arquetipo de personalidat de Cheminis s'asocia a conceptos como a inconstancia, a falera chovenil, a curiosidat y a chafardería, a o enchenio, a rapidez mental y oral y a la oratoria, entre d'atros. Metaforicament, a os Cheminis les ne diz l'adolescent d'o zodiaco. Por norma cheneral, os signos mutables buscan ufrir un servicio a os atros y, en tractar-se tamién Cheminis d'un signo d'aire (l'aire se relaciona con tot lo que ye mental, cognitivo y comunicación), se considera que os oficios ideyals pa iste signo son aquels relacionaus con a educación (mas que mas infantil y primaria), os meyos de comunicación (periodismo) u tamién con a literatura.

Se considera que os cheminis fan pacha con os atros signos d'aire (Libra y Acuario) y con os de fuego, difueras de, con matices, os sachitarios por estar-ne o suyo oposau, igual que mantiene una fuerte incompatibilidat con Virgo y Pisces. Manimenos, iste cuadro de compatibilitaz y incompatibilitaz no reflecta un perfil individual u lectura individual tal como s'interpreta adrintro de l'astrolochía, sino que reflecta una orientación cheneral y a referencia a la compatibilidat seguntes lo que ye dictau por variables como cualidaz y elementos en o zodiaco.[2]

Se veiga tamién[editar | modificar o codigo]

Referencias[editar | modificar o codigo]

  1. (an) Los nombres d'os signos zodiacals: Aries, Tauro, Cheminis, Cancro, León, Virgo, Libra, Escurpión, Sachitario, Capricorno, Acuario y Pisces. "Gramática basica de l'aragonés", Estudio de Filología Aragonesa. Prensas de la Universidad de Zaragoza. Pach. 40. ISBN 978-84-1340-204
  2. (en) The Diagram Group, The Little Giant Encyclopedia of The Zodiac, p 171, Sterling Publishing Company, New York, 1997