Cancro (astrolochía)

De Biquipedia
Ir a la navegación Ir a la búsqueda
Representación y simbolo de Cancro

Cancro[1] u Cáncer ye o quarto signo d'o zodiaco y ye asociau a la constelación homonima. O Sol discurre por Cancro dende o 21 de chunio dica o 22 de chulio alto u baixo y seguntes l'anyo. Ye o signo rechiu por a Luna y a suya color ye o griso archent. As piedras con as que s'asocia son a perla y a piedra lunar.

Cancro ye un signo d'elemento d'augua y de qualidat cardinal.[2] Como arquetipo de personalidat, se consideran conceptos clau en o caracter d'os cancro a figura materna, os vinclos familiars, as radices y o herencio, o instinto de protección, a malinconía, a ternura y una tendencia a la posesividat afectiva, entre atros. Amás, se caracteriza por manifestar una fuerte atracción por l'augua (a mar, lacos, grans ríos, etc.) y por gosar tener fases animicas coordinadas con as fases lunars.[3]

Se considera que fa pacha con os atros signos d'augua (Escurpión y Pisces) y con os signos de tierra fueras de, con matices, os capricorno, por estar-ne o suyo oposau. Tamién amuestra una fuerte incompatibilidat con os signos d'Aries y Libra. Manimenos, iste quadro de compatibilitatz y incompatibilitatz no reflecta un perfil individual u lectura individual tal como s'interpreta adrintro de l'astrolochía, sino que reflecta una orientación cheneral y a referencia a la compatibilidat seguntes lo que ye dictau por variables como qualidatz y elementos en o zodiaco.[4]

En o "Libro d'o Trasoro" mencionan canzer en relación a las inundacions d'o río Nilo:

de Cançer diez dias a la saljida de junyo, aquel flum comiença a crexer, e dura entro a la entrada de Leon. E cuando el sol es dentro de Leon, el ha asi grant fuerça, los tres dias auant la calenda de agosto entro a XJº a la entrada, que el ixe ultra el leyto de su curso aqua e alla tanto que el arosa toda la tierra; assi fa
La otro dia apres, comjença a andar por la otra quarta partida, e entra en el otro signo, yes a saber, en Cancer

En o "Libro d'as Marabillas d'o Mundo" lo nombran como cancro:

el sol esta en cancro o en el signo del leon

Se veiga tamién[editar | modificar o codigo]

Referencias[editar | modificar o codigo]

  1. (an) Los nombres d'os signos zodiacals: Aries, Tauro, Cheminis, Cancro, León, Virgo, Libra, Escurpión, Sachitario, Capricorno, Aquario y Pisces. "Gramática basica de l'aragonés", Estudio de Filología Aragonesa. Prensas de la Universidad de Zaragoza. Pach. 40. ISBN 978-84-1340-204
  2. (en) Jeff Mayo, Teach Yourself Astrology, pp 38-41, Hodder and Stoughton, London, 1979
  3. (es) ALCOBA, María Emilia, AZICRI, Claudia y MOLINA, Cristina: Curso de astrología Tomo I. Kier, Buenos Aires, 2005. ISBN 950-17-4201-6
  4. (en) The Diagram Group, The Little Giant Encyclopedia of The Zodiac, p 171, Sterling Publishing Company, New York, 1997


Signos d'o zodiaco
Aries AriesTauro TauroCheminis CheminisCancro CancroLeón LeónVirgo VirgoLibra LibraEscurpión EscurpiónSachitario SachitarioCapricorno CapricornoAquario AquarioPisces Pisces