Sergio Leone

De Biquipedia
Translate icon.svg Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.
Sergio Leone
Sergio Leone 1975.jpg
Información personal
Calendata de naixencia 3 de chinero de 1929
Puesto de naixencia Flag of Italy (1861–1946).svg Roma (Italia)
Calendata de muerte 30 d'abril de 1989
Puesto de muerte Flag of Italy.svg Roma (Italia)
Ocupación Director cinematografico, actor, productor y guionista
Conchuche Carla Leone

Sergio Leone, naixito de Roma (Italia) o 3 de chinero de 1929 y muerto tamién en Roma o 30 d'abril de 1989, estió un director cinematografico, actor, productor y guionista italiano, muit conoixito por os suyos spaghetti western, estando asinas uno d'os directors más conoixitos d'a Historia d'o cine. Yera fillo d'o pionero d'o cine italiano Vincenzo Leone y de l'actriz d'o cine mudo Edvige Valcarenghi (Bice Waleran).

Primeras anyadas[editar | modificar o codigo]

Sergio Leone naixió en a ciudat de Roma, fillo d'o director cinematografico Vincenzo Leone (Roberto Roberti) y de l'actriz Edvige Valcarenghi (Bice Waleran), que heba estato actriz de cine mudo. Sindembargo, o suyo pai chocó con Benito Mussolini quan iste le demanó a suya opinión sobre un guión cinematografico que o dictador heba escrito y o pai de Sergio Leone li donó a suya autentica opinión, de raso negativa, rematando asinas a suya carrera cinematografica.

Sergio Leone dentó muit chóven en o mundo d'o cine, y con 20 anyadas estió ya actor y asistent de director en a pelicula Ladri di biciclette, de Vittorio de Sica (1948), ta treballar luego en as prencipals produccions cinematograficas estausunidenses en Europa luego d'a Segunda Guerra Mundial, como Quo vadis?, de Mervyn LeRoy (1951), Helen of Troy, de Robert Wise (1956), Ben-Hur, de William Wyler (1959) u The Nun's Story, de Fred Zinnemann (1959).

La suya gran oportunidat, que estió l'alazetz d'a suya carrera cinematografica posterior, fue quan se li ufrió en 1959 sustituir a o director Mario Bonnard, que yera malauto, en o rodache d'a pelicula Gli ultimi giorni di Pompei, a on treballó con actors consagratos como Steve Reeves, Christine Kaufmann u mesmo Fernando Rey, encara que luego o suyo nombre no apareixió en os tetulos de creditos d'a pelicula, atribuita nomás a Bonnard.

Sindembargo, se li ufrió luego dirichir a pelicula Il colosso di Rodi (1961), que estió a suya primera labor oficial como director, y dimpués tamién sustituyó a Robert Aldrich en a dirección d'a pelicula Sodom and Gomorrah, a on sí que apareixió con o suyo nombre en o tetulos de credito.

A consagración[editar | modificar o codigo]

Asinas prencipió una carrera cinematografica muit personal, explorando o mundo d'o western y estando o creyador d'un subchenero nuevo, clamato peyorativament spaghetti western, en referencia a la cocina italiana, encara que luego superó ista connotación negativa. O spaghetti western teneba bellos elementos clau, fonamentals ta o suyo esito: a musica d'Ennio Morricone (amigo d'a infancia de Sergio Leone) y a fuerza interpretativa d'un allora chóven actor estausunidense, Clint Eastwood, que en ixas envueltas yera un actor semi-desconoixito.

Con rodaches feitos en as rechions diserticas de Tabernas, en a provincia d'Almería, en Andalucía, Leone, Morricone y Eastwood facioron una trilochía que revitalizó o western en os anyos 1960: Per un pugno di dollari (1964), con Marianne Koch, Gian Maria Volontè y Wolfgang Lukschy; Per qualche dollaro in più (1965), con Lee van Cleef, Gian Maria Volontè, Mara Krupp y Klaus Kinski; y Il buono, il brutto, il cattivo (1966), con Eli Wallach, Lee van Cleef y Aldo Giuffrè. Ista trilochía ye considerata como una d'a prencipals obras d'o western, encara que o subchero luego decheneró con produccions europeas de baixo presupuesto de serie B d'atros directors filmatas a sobén tamién en Almería.

Filmografía[editar | modificar o codigo]

Director[editar | modificar o codigo]

Asistent de dirección[editar | modificar o codigo]

Director d'a segunda unidat[editar | modificar o codigo]

Guionista[editar | modificar o codigo]

Actor[editar | modificar o codigo]

Productor[editar | modificar o codigo]

Vinclos externos[editar | modificar o codigo]