Schellenberg

De Biquipedia
Ir a la navegación Ir a la búsqueda
Schellenberg
Schellabärg
Municipio de Liechtenstein
Bandera Escudo d'armas
Schellenberg 491.jpg
Schellenberg
Estato
 • Districto electoral
Flag of Liechtenstein.svg Liechtenstein
Unterland
Superficie 3,5 km²
Población
 • Total

1.032 hab. (2013)
Altaria 626 m.
Ríos Río Rin
Localización de Schellenberg en Liechtenstein
Localización de Schellenberg en Liechtenstein.
www.schellenberg.li

Schellenberg (en alamanico Schellabärg) ye o municipio de menor altaria y mas chicot de Liechtenstein. Muga a o noreste y este con Feldkirch (Vorarlberg, Austria), a o sud con Mauren, Eschen y Gamprin, y a l'ueste con Ruggell.

Historia[editar | editar código]

A zona fue habitada en primeras por os Celtas y dimpués por os Retos. Roma conquirió a zona en l'anyo 15 a. C., convertindo-la en parti d'a provincia de Recia. Dita provincia se convirtiría dimpués en un condau baixo a rechencia de Carlo Magno. O condau fue dividiendo-se progresivament debiu a o herencio de pais a fillos.

A sinyoría de Schellenberg fue mercada por os Contes de Vaduz en 1437 y os dos territorios han continau unius en a practica dende alavez. Dimpués d'a guerra sueba en 1499, os dos territorios cayoron baixo soberanía feudal d'Austria. Quantas dinastías de contes han mercau y vendiu istos territorios, dica que en primerías d'o sieglo XVIII fuoron mercaus por a Casa de Liechtenstein, que heba recibiu o reconoiximiento de prencipesca en 1706, pero precisaba alquirir un territorio amán d'a cabeza d'o imperio ta poder fer parti en as votacions d'os Prencipes d'o Imperio. O Emperador unió formalment os territorios de Vaduz y Schellenberg en 1719.

Puestos d'intrés[editar | editar código]

  • Casa d'a ciudat de Schellenberg.
  • Parroquia de Schellenberg.
  • Museu d'historia d'a ciudad.
  • Castiello de Schellenberg.
  • Fortaleza de Eschellemberg.

Comunicacions[editar | editar código]

O medio de transporte mas emplegau ye o tren, ya que a gara mas amanada ye en Ruggell, a o norte d'o municipio. Atro transporte que se fa servir asobén ye a becicleta, ya que Schellenberg ye a redolada mas plana de tot o país. L'autobús s'emplega ta desplazar-se grans distancias, como por eixemplo viachar enta Vaduz. O medio menos emplegau ye l'auto.

Esportes[editar | editar código]

No bi ha un club de fútbol en a ciudat, por ixo gran parti d'a población anima a o FC Ruggell, d'o municipio vecín. Entre atros, destacan os esportes aquaticos, como natación, remo, piragüismo y blincos. Atros esportes con afición son o ciclismo (en Schellenberg se fa totz os anyos una cursa dita Schellenberg's Competition), o tenis y o balonmán.

Vinclos externos[editar | editar código]


Bandera de Liechtenstein Municipios de Liechtenstein Bandera de Liechtenstein
Balzers | Eschen | Gamprin | Mauren | Planken | Ruggell | Schaan | Schellenberg | Triesen | Triesenberg | Vaduz