Sala de cine

De Biquipedia
Ir a la navegación Ir a la búsqueda
Una sala de cine en Australia.

Un sala de cine, u tamién simplement cine, ye un edificio u puesto pa veyer cintas pa entretenedera. A mayoría de as salas de cine, pero no totz, son operacions comercials que atienden a lo publico en cheneral, que asiste mercando una dentrada. Manimenos, belunas salas de cine son operadas per organizacions u sociedatz sin fins de lucro que cobran a os miembros una tarifa de membresía pa veyer cintas.

A cinta se prochecta con un prochector de cintas en una gran pantalla de prochección en a parti debantera de l'auditorio mientres o dialogo, os sonius y la mosica se reproducen a traviés de quantos altavoces amontaus en a paret. En o decenio de 2010, la mayoría de as salas de cine son equipadas pa la prochección de cine dichital, lo que elimina la necesidat de creyar y carriar una impresión de cinta fisica en un carret pesau.

En os cines se prochecta una gran variedat de cintas, dende cintas animadas dica exitos de taquilla y documentals. As salas de cine mas chicotas tienen nomás que una sala de visualización con una solenca pantalla. En o decenio de 2010, la mayoría de as salas de cine teneban quantas pantallas. Os complexos de cines mas grans, que se denominan multicines, un concepto desenvuelto en Canadá en o decenio de 1950, tienen dica trenta pantallas. Os cines gosan vender refrescos, palometas y lamins.

O negocio de as salas de cine se troba en grau decadencia. A competencia d'a televisión, d'o streaming y finalment la crisi de COVID-19 ha meso en periglo a supervivencia de muitas salas de cine.[1]

Referencias[editar | modificar o codigo]