Refresco

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
refresco

refrescos
Atras denominacions
bebida refrescant
Orichen cheografico
Orichen: Nueva York (Estaus Unius)
Se bebe en: en toz puestos
Elaboración
Ingredients: augua carbonatada

O refresco u bebida refrescant ye una bebida sin alcohol a ormino carbonatada. Contiene augua con gas y no contiene alcohol. Istas bebidas gosan consumir-se fredas, pa estar mas refrescants y pa privar a perda de dioxido de carbonio, que le atorga a suya efervescencia. S'ofreixen cuantos sabors de refrescos, entre atros narancha, limón, uga, ciresa, etc.

Se diz gasiosa[1] u soda a una mena de refresco carbonatau sin edulcorants ni coloretes, emplegau comunament en combinación con bebidas alcoholicas.

As bebidas refrescants son, hue en día, una d'as bebidas mas consumidas en tot o mundo, especialment entre a chovenalla.

Historia[editar | modificar o codigo]

Empecipia la fabricación de bebidas carbonatadas en Nueva York en 1832, cuan John Matthews inventa un aparato pa mesclar augua con dioxido de carbonio, y amás anyadir-le gusto. D'a popularidat d'a bebida naixen negocios que mesclan l'augua con gas con gustos a esleción, clamadas fuents de soda.

En 1885, W.B. Morrison un boticario propietario de Old Corner Drug Store en Waco (Texas) desembolicó un distinguiu gusto en a suya fuent de soda. O suyo nombre Dr. Pepper, o mas antigo refresco, que encara se vende en Estaus Unius. Cuasi de forma simultania (1886), unatro boticario, clamau John S. Pemberton, experimenta con hierbas y especias como nuez de cola africana y a fuella de coca en a ciudat d'Atlanta. Lo resultau, una bebida que bautizó como Coca Cola. Pemberton muere dimpués de nomás un anyo y meyo d'haber introduciu en o mercau o nuevo producto. En 1898, un boticario de Carolina d'o Norte, Caleb Bradham, busca un tonico pa lo dolor de tozuelo a lo que le adhibe pepsina. En 1903, rechistró a marca d'ista bebida como Pepsi. En San Luis (Arizona), se creya una formula con gusto de lima-limón que ye lanzada en l'anyo 1929. Lo producto plegaría a clamar-se 7 Up.

Problemas con a salut[editar | modificar o codigo]

O consumo excesivo de refrescos endulzados con zucre s'asocia con obesidat, hipertensión, diabetis de tipo II, quera dental, desnutrición y calculos renals.

Muitos refrescos contienen ingredients que son en él mesmos una fuent de preocupación: a cafeína consumida en exceso ye relacionada con angluzia y con trastornos d'o suenio, amás cualques criticos cuestionan os efectos en a salut d'os zucres adhibius y os edulcorants artificials. O benzoato de sodio estió investigado en a Universidat de Sheffield como una posible causa de mal de l'ADN y hiperactividat.

Referencias[editar | modificar o codigo]

  1. (es) Francisco Bruballa Angusto Vocabulario del habla de La Puebla de Castro, Instituto de Estudios Altoaragoneses, 2009, ISBN 978-84-8127-214-7, p.70