Saab JAS 39 Gripen

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Saab JAS 39 Gripen
Saab JAS 39 Gripen
Datos chenerals
Tipo	Avión de caza
Fabricant	Saab AB
Primer vuelo	1988
Grandaria
Largaria	14.1 m
Envergadura	8.4 m
Superficie alas	30 m²
Peso	14 t
Especificacions
Autonomía	800 km
Motor	1x Volvo RM12
Velocidat maxima	2,460 km/h
Uso
Estato	En servicio
Operador	Fuerza Aeria Sueca
Atros usuarios	Fuerza Aeria Sudafricana Fuerza Aeria Brasilera Fuerza Aeria Hongara Reyal Fuerza Aeria Tailandesa
Producción
Unidatz construyitas	271
Esquema

Saab JAS 39 Gripen ye un avión de caza de quarta cheneración desembolicau por Saab AB. O suyo primer vuelo estió en 1988. Tien un motor Volvo RM12 y una velocidat maxima de Mach 2 . Se'n han construyíu 271 unidatz.

O Gripen tien una configuración d'ala delta y canard con un disenyo d'estabilidat relaxada u negativa y controls de vuelo fly-by-wire. Se'n han construyíu quantas versions, agrupadas en series A, C y E.

As series Gripen A y C son empentadas por o motor GE F404G (anteriorment designau Volvo RM12) y a serie E ye empentada por o motor GE F414G, y tien una velocidat maxima de Mach 2. Os avions posteriors se modifican pa os estandars d'interoperabilidat d'a OTAN y realizar o refurnimiento de combustible aire-aire.

En 1979, o gubierno sueco prencipió os estudeos de desembolique d'un avión capaz de realizar misions de combate, ataque y reconoixencia pa reemplazar a lo Saab 35 Draken y a lo Saab 37 Viggen en a Fuerza Aeria Sueca. Se seleccionó y desembolicó un nuevo disenyo de Saab como que o JAS 39, que voló por primera vegada en 1988, a entrega d'o primer avión de producción en serie se produció en 1993 y dentró en servicio con a Fuerza Aeria Sueca en 1996. As variants amilloradas, con avionica mas abanzada y adaptacions pa tiempos de misión mas largos, prencipioron a dentrar en servicio en 2003.

Pa comercializar l'aeronau a livel internacional, Saab formó asociacions y esfuerzos de colaboración con interpresas aeroespacials extrancheras, incluida, en 2001, BAE Systems. En o mercato d'exportación, os primers modelos d'o Gripen aconsiguioron un exito moderau en as vendas a países d'Europa central, Sudafrica y o sudeste asiatico; Se sospeitaba de soborno en qualques d'istas adquisicions, pero as autoridatz zarroron a investigación en 2009.

Una versión actualizada y remodelada, designada Gripen JAS 39E / F pero anteriorment denominada Gripen NG u Super JAS, prencipió a entregar-se a as Fuerzas Aerias de Suecia y Brasil a partir de 2019. Os cambeos d'a serie C a la serie E incluyen l'adopción d'un nuevo motor, o General Electric F414G, un radar activo de matriz escaniada electronicament (AESA) y una capacidat interna de combustible significativament mayor.

Historia operacional

O caza Gripen estió prebau en escenario de guerra entre a intervención militar d'una coalición de países d'Europa en Libia, baixo o mando d'a OTAN. O 31 de marzo de 2011, o Parlamento sueco autorizó a participación de Suecia en a Guerra de Libia por 240 votos a favor, cinco abstencions y 18 votos en contra. D'ista forma, os Gripen estioron os primers avions d'a Fuerza Aeria Sueca en prener parti en operacions belicas dende a misión d'as Nacions Unitas en o Congo, 1961-1963.

A composición d'a fuerza sueca consistiría en un total de ueito Gripen, mas un C-130 Hercules de refurnimiento aerio de combustible y una dotación d'uns 130 efectivos pa dar suporte a as aeronaus en as bases aerias italianas. Os avions suecos cosirarían a redolada d'exclusión aeria y tamién realizarían misions de reconoixencia aeria, escolta de bombarders y avions de refurnimiento aerio de combustible; pero l'ataque a posicions enemigas no dentraba entre os suyos cometius.

Os tres primers aparatos desapegoron l'un d'abril a as 10.00 horas dende a base de Ronneby, tenendo por destín a base de Singonela en Sicilia, Italia, dimpués de fer una escala tecnica en Hongría pa repostar combustible.

Manimenos que os politicos suecos aseguroron poseyer avions compatibles con os d'a OTAN, i habió problemas inicials con o combustible d'os Gripen, o Jet Fuel A1, diferent d'o nuevo combustible JP5 ecolochico emplegau por a resta d'os avions d'a OTAN.