Sociedat de Lingüistica Aragonesa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Esta pachina ye escrita en ribagorzano.

La Sociedat de Lingüistica Aragonesa u SLA ye una asociación que s'adedica a la promoción de la llengua aragonesa a través de la investigación cientifica en lingüistica. Se fundó en el 2004.

La motivación de la creación de la SLA ye l'ambición d'un treballo cientifico d'alta calidat: se presenta como una alternativa al treballo del Consello de la Fabla Aragonesa (CFA) que, seguntes la SLA, presentaría grans mancanzas de rigor.

La SLA elabora una codificación de l'aragonés, dita grafía SLA, que ye un modelo diferent de la grafía de Uesca promocionada per el Consello de la Fabla Aragonesa (CFA). La grafía SLA se preocupa de la connexión de l'aragonés con las normas de las atras llenguas romanicas, especialment del catalán y de l'occitano. Ye la base d'una posible estandardización futura de l'aragonés que tenería en cuento un conoiximiento serio de la dialectolochía aragonesa y que sería una alternativa al modelo d'"aragonés común" del CFA, estimau artificial per la SLA.

La SLA edita la revista De Lingva Aragonensi con la voluntat d'amillorar y dinamizar las publicacions cientificas sobre l'aragonés.

Tamé los lingüistas de la SLA participan regularment en cuantos coloquios y revistas internacionals de lingüistica.

El president de la SLA ye el editor Chusé Raúl Usón, a vicepresidenta ye Elena Chazal, o secretario ye Juan Carlos Bueno y a tresorera María Concepción Girón Angusto.^[1]