Rusins
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Rusins u rutens Русины | ||||||||||||
|---|---|---|---|---|---|---|---|---|---|---|---|---|
 | ||||||||||||
_and_Przemy%C5%9Bl_area_Ukrainians_in_original_goral_folk-costumes..jpg) | ||||||||||||
|
| ||||||||||||
| ||||||||||||
| Rutén | ||||||||||||
| Greco Catolica | ||||||||||||
| Pueblos eslaus | ||||||||||||
 Mapa etnico d'os rusins | ||||||||||||
Os rusins u rutens (en rutén Русины) son un pueblo eslau oriental y de relichión greco-catolica, que vive en a zona d'os monts Carpatos, sobre tot en a versant sud.
Historia
[editar | modificar o codigo]A lo principio yeran comunidaz rurals d'as vals d'os Carpatos iguals que los atros ucraineses occidentals y sin reivindicacions nacionals que se conoixcan. De feito en l'aria entre Polonia, Rumanía y Ucraína bi ha comunidaz como hutsuls, boicos y lemcos con identidat propia, dentro u fuera d'a versant sud. A zaguers d'o sieglo XVIII se repartioron Polonia entre l'Imperio Austrohongaro, l'Imperio Ruso y Reino de Prusia y pasoron a depender d'os primers. A partir de 1848, la partida hongara d'ixe imperio administró las tierras d'ixas comunidaz a lo sud de los Carpatos.
Las autoridaz hongaras s'intresoron en que os eslaus orientals desembolicasen una conciencia nacional diferent de los eslaus orientals d'o norte d'os Carpatos (Galitcia austriaca) administradas por a partida austriaca de l'imperio. Manimenos, dica 1918 no tenioron exito porque no i habió una clase intelectual rutena receptiva d'ixas ideyas y de trasmeter-las a la chent.
En 1918 los gubiernos de los nuevos estaus que amaneixioron dimpués la I Guerra Mundial, Hongría y Checoslovaquia, preboron d'acomboyar a la población rutena. En Checoslovaquia se creyó la rechión dita Podkarpatská Rus u Rutenia Sozcarpatica, y li dioron plena autonomía en 1938. Ixa rechión la ocupó l'Exercito Royo y pasó a la URSS dimpués la Segunda Guerra Mundial.
En lo referendun de l'1 d'aviento de 1991, que lebó a la independencia de la republica d'Ucraína, o 78% de los rusins votoron a favor de l'autonomía dentro d'Ucraína, feito que refusó o gubierno de Kiev.
A mitat d'o sieglo XIX, cualques agricultors rutens emigroron dende os Carpatos t'o sud d'a partida hongara de l'imperio, especialment ta Voivodina, formando-ie parte d'o suyo melting pot, y s'han manteniu como grupo etnico diferent d'os atros eslaus que bi ha, incluitos los atros ucraineses. Tamién bi n'ha chicotas comunidaz rutenas en o norte de Bosnia y l'este de Croacia.
Parla
[editar | modificar o codigo]En os Carpatos, os rutens no tienen una luenga escrita unificada. En Checoslovaquia d'o periodo d'entreguerras preboron de creyar una prensa y un sistema educativo rutens, pero teneban la intención d'emplegar lo ruso como medio de comunicación escrito, cosa que se desvinió dimpués de la Segunda Guerra Mundial por a ocupación sovietica.
Manimenos en Voivodina s'ha desembolicau una luenga estandard pa la variant ucrainana que se i charra (rutén panonico), con prensa y radio, y mesmo un departamento de rutén en la Universidat de Novi Sad.
Bibliografía
[editar | modificar o codigo]- (es) Felipe Fernández-Armesto: Los Hijos de Zeus. Pueblos, Etnias u Culturas de Europa. Editorials Grijalbo, 1996.
| Control d'autoridaz |
|
|---|
