Runaway Jury

Runaway Jury
Títol	Runaway Jury
Póster d'a cinta.
Ficha tecnica
Dirección	Gary Fleder
Dirección artistica	Scott Plauche
Producción	Gary Fleder Christopher Mankiewicz Arnon Milchan
Disenyo de producción	Nelson Coates
Guión adaptau	Brian Koppelman David Levien Rick Cleveland Matthew Chapman
Basau en	The Runaway Jury, novela de John Grisham de 1996
Musica	Christopher Young
Fotografía	Robert Elswit
Montache	William Steinkamp Jeff Williams
Escenografía	Tessa Posnansky
Vestuario	Abigail Murray
Casting	Deborah Aquila Tricia Wood
Actors	John Cusack Gene Hackman Dustin Hoffman Rachel Weisz Bruce Davison Bruce McGill Jeremy Piven Nick Searcy Luis Guzmán Stanley Anderson Marguerite Moreau Leland Orser Gerry Bamman Nestor Serrano Ed Nelson Joanna Going Cliff Curtis Jennifer Beals Bill Nunn Juanita Jennings
Color	Panavisión Color by DeLuxe
Datos y cifras
País(es)	Estaus Unius
Anyo	2003
Debantadera	9 d'octubre de 2003 Los Angeles (California, Estaus Unius) 17 d'octubre de 2003 Estaus Unius
Chenero(s)	Cine de chudicios Cine d'intriga
Durada	127 min.
Idioma(s)	Anglés Francés
Companyías
Productora(s)	Regency Enterprises New Regency
Distribución	20th Century Fox
Presupuesto	80 millons de dólars
Recauto	80,2 millons de dólars
Informacions en bases de datos especializadas:

Runaway Jury (títol orichinal en anglés, en aragonés Churau fuchitivo, enguerada en Aragón con o títol en castellano de El jurado, en aragonés O churau) ye una cinta de cine d'intriga chudicial de l'anyo 2003 dirichida por Gary Fleder seguntes un guión adaptau por Brian Koppelman, David Levien, Rick Cleveland y Matthew Chapman (basau en The Runaway Jury, una novela publicada por John Grisham l'anyo 1996), con una banda sonora orichinal de Christopher Young, una dirección de fotografía de Robert Elswit, una producción cinematografica de Gary Fleder, Christopher Mankiewicz y Arnon Milchan ta las productoras Regency Enterprises y New Regency y con un elenco composau por, entre d'atros actors, John Cusack, Gene Hackman, Dustin Hoffman, Rachel Weisz, Bruce Davison, Bruce McGill, Jeremy Piven, Nick Searcy, Luis Guzmán, Stanley Anderson, Marguerite Moreau, Leland Orser, Gerry Bamman, Nestor Serrano, Ed Nelson, Joanna Going, Cliff Curtis, Jennifer Beals, Bill Nunn y Juanita Jennings.

Un emplegau a qui li han dau palleta dentra en a oficina con un arma que acaba de mercar y i mata a cuantos treballadors. La muller d'un d'éls demanda chudicialment a la empresa fabricant d'as armas y plega lo chudicio. L'avogau de l'acusación ye un activista a favor d'o control d'armas y la suya primera labor ye de seleccionar a lo churau que ha d'intervenir en o chudicio. Frent d'él se troba un expertro manipulador de churaus, muit bien pagau por a industria armamentistica, ta que consiga influyir en a decisión d'o churau. Un d'os seleccionaus ta fer-ne parte ye Nick Easter, lo novio de Marlee, que ye bien intresau en fer parte d'o churau encara que debant d'o chuez aparente lo contrario. Bien luego la suya novia contacta con as dos partes d'o chudicio ta proposar-lis d'influyir en o churau ta que resuelva a lo suyo favor, pero encara que l'acusación finalment diz que no, la defensa accepta, encara que han emplegau metodos bien sordanyos ta evitar-lo.

A cinta s'ambienta en a suya epoca actual (2003) en a ciudat de Nueva Orleans en Loisiana y en a ciudat de Gary en Indiana, y las suyas escenas se filmoron en Nueva Orleans y atras localidaz de Loisiana, y en Los Angeles en California..

Ye una cinta que ha recibiu bels premios y nominacions, encara que garra d'éls no fa parte d'os premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 2003.
• Cintas de 2003.

Referencias

• Datos: Q151870