Ir al contenido

RoboCop

De Biquipedia
RoboCop
Títol RoboCop
Póster d'a cinta.
Póster d'a cinta.
Ficha tecnica
Dirección Paul Verhoeven
Producción Arne Schmidt
Guión Edward Neumeier
Michael Miner
Musica Basil Poledouris[1]
Fotografía Jost Vacano
Montache Frank J. Urioste
Actors Peter Weller
Nancy Allen
Daniel O'Herlihy
Ronny Cox
Kurtwood Smith
Miguel Ferrer
Datos y cifras
País(es) Estaus Unius
Anyo 1987
Debantadera 2 de chulio de 1987 Los Angeles (California, Estaus Unius[2]
17 de chulio de 1987 Los Angeles (California, Estaus Unius[2]
Chenero(s) Cine de ciencia-ficción
Cine d'acción
Cine policiaco
Durada 102 min.
Idioma(s) Anglés
Companyías
Productora(s) Orion Pictures
Distribución Orion Pictures
Presupuesto 13,7 millons de dólars
Succesión de cintas
Succedita por RoboCop 2 (1990, Irvin Kershner)
Informacions en bases de datos especializadas:

RoboCop (títol orichinal, enguerada en Aragón con ixe mesmo títol) ye una cinta estausunidense de cine de ciencia ficción d'acción policiaca de l'anyo 1987, dirichida por Paul Verhoeven y producida por Arne Schmidt ta la productora cinematografica Orion Pictures, con guión de Edward Neumeier y Michael Miner, protagonizada por Peter Weller, Nancy Allen, Daniel O'Herlihy, Ronny Cox, Kurtwood Smith y Miguel Ferrer.

RoboCop, ambientada en un Detroit (Michigan, Estaus Unius), plagau de crímens, en un futuro cercano, se centra en l'oficial de policía Alex Murphy (Peter Weller), qui ye asasinau por una banda de malfeitors y posteriorment reviviu por a megacorporación Omni Consumer Products como RoboCop, un cyborg que fa complir a lei. Sin dar-se cuenta d'a suya vida anterior, RoboCop executa una campanya brutal contra o crimen mientres que accepta os fragmentos persistents d'a suya humanidat. A cinta ha estau analisada por temas que incluyen a naturaleza d'a Humanidat, la identidat personal, l'angluzia corporativa, a corrupción y ye vista como una carranya d'as politicas de Ronald Reagan.

A cinta estió concebida por Neumeier cuan treballaba en o set de Blade Runner (1982), y desembolicó la ideya encara mas con Miner. O suyo guión estió mercau en primerías de 1985 por o productor Jon Davison en nombre d'Orion Pictures. Trobar un director resultó dificil; Verhoeven descartó lo guión dos vegadas perque no entendió o suyo conteniu satirico dica que la suya esposa lo convenció. O rodache s'escaició entre agosto y octubre de 1986, prencipalment en Dallas, Texas. Rob Bottin dirichió l'equipo d'efectos especials en a creyación d'efectos practicos y o desfraz de RoboCop. Verhoeven enfatizó a violencia a lo largo d'a cinta, fendo-la tan extravagant que se tornó comica. Con tot y con ixo, os censors creyoron que yera masiau extrema y diversas escenas s'alcorzoron u modificoron pa asegurar una calificación teatral aceptable.

Manimenos as dificultaz previstas en a comercialización d'a cinta, particularment a causa d'o suyo titol, s'asperaba que a cinta tenese un buen desempenyo en base a las procheccions de criticos previas a lo lanzamiento y a lo boca a boca positivo. RoboCop estió un exito financiero sorpresa dimpués d'o suyo enguero en chulio de 1987, ganando 53,4 millons de dólars. As criticas emponderoron a cinta como una cinta d'acción intelichent con mensaches filosoficos mas profundos y satira, pero yeran mas en conflicto por a violencia extrema en tot inte. A cinta estió nominada a diversos premios y recibió un premio Oscar de l'Academia y numbrosos premios Saturn.

L'exito de RoboCop creyó una franquicia que comprende as secuelas RoboCop 2 y RoboCop 3, series animadas pa ninos, multiples programas de televisión d'acción en vivo, videochuegos, cómics, chuguez, ropa y atros productos. Un reboot, tamién clamau RoboCop, estió enguerau en 2014. Una secuela directa d' a cinta orichinal de 1987, titulada provisionalment RoboCop Returns, ye en desembolique dende 2020; ista cinta ignora atras dentradas d'a serie.

Elenco[editar | modificar o codigo]

Se veiga tamién[editar | modificar o codigo]

Referencias[editar | modificar o codigo]

  1. (en) Mathew J. Bartkowiak: Sounds of the Future: Essays on Music in Science Fiction Film. McFarland. 2010, p. 239. ISBN 0786456507.
  2. 2,0 2,1 (en) Enguero de RoboCop en Internet Movie Database.

Vinclos externos[editar | modificar o codigo]