Reykjavík

	Reykjavík; Reykjavík
	Localidat d'Islandia
	; Anvista de Reykjavík dende a Hallgrímskirkju.
Estau; • Districto	Islandia; Districto Capital
Superficie	274,50 km²
Población; • Total	; 117.898 hab. (2025)
Altaria; • Meyana	; 8 m.
Codigo postal	101–155
Coordenadas	64° 8’51’’N21°56’ 6’’U
	Reykjavík Reykjavík en Islandia
	Reykjavík Reykjavík en Europa
	Web oficial

Reykjavík ([ˈreiːcaˌviːk], en islandés, a badía d'as fumatas) ye una ciudat islandesa, que ye la capital d'Islandia, y a capital mas septentrional d'o mundo, a 64° 04' de latitut norte, amán d'o Cerclo polar arctico: bellas semanas cada anyada nomás bi ha luz diurna que cuatro horas d'hibierno, y en verano no bi ha nueit. Fa parte d'o Districto Capital.

A suya población ye de 117.898 habitants en una superficie de 274,5 km², con una densidat de población de 429,50 hab/km². Ye la población con mayor numero d'habitants d'o país (i vive a metat, alto u baixo, d'a población islandesa, incluyindo-ie as localidaz d'a suya aria urbana, Kópavogur y Hafnarfjörður). Ye asinas un centro politico, cultural, comercial, industrial y economico d'o país, que concentra las suyas institucions politicas, as bibliotecas, os museus, as universidaz, as oficinas centrals d'os medios de comunicación d'o país, os teatros, as orquestas, os tribunals, as instalacions esportivas, as infraestructuras de transporte aerio y maritimo y as solencas fabricas d'o país.

A ciudat ye en o mesmo lugar a on en 874 s'instaloron os primers colons noruegos conducius por Ingólfur Arnarson, encara que a constitución d'o municipio no estió que dica 1786. En o suyo centro historico se i troba l'edificio d'o Parlamento d'Islandia (de 1881), a Biblioteca Nacional d'Islandia y o Teatro Nacional d'Islandia. A Universidat d'Islandia, a Casa Nordica (obra d'Alvar Aalto) y o Museu Nacional d'Islandia se troban en un barrio aparte.

Reykjavík tien cuantas ilesias y una seu bispal, amás d'a Hallgrímskirkja, l'edificio de mayor altaria d'Islandia.

Vinclos externos