Ir al contenido

Alvar Aalto

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Alvar Aalto
A Casa Louis Carré en Bazoches-sur-Guyonne (Yvelines, Francia), obra d'Alvar Aalto.
A Casa Louis Carré en Bazoches-sur-Guyonne (Yvelines, Francia), obra d'Alvar Aalto.
Información personal
Calendata de naixencia 3 de febrero de 1898
Puesto de naixencia Kuortane (Ostrobotnia d'o Sud)
Calendata de muerte 11 de mayo de 1976
Puesto de muerte Helsinki
Ocupación Arquitecto y disenyador de muebles
Conchuche Aino Marsio (1925-1949)
Pachina web www.Alvar.Aalto.fi

Hugo Henrik Alvar Aalto (conoixito como Alvar Aalto), naixito de Kuortane (Ostrobotnia d'o Sud) o 3 de febrero de 1898 y muerto en Helsinki l'11 de mayo de 1976, estió un arquitecto y disenyador de muebles finlandés, considerato uno d'os mas importants arquitectos d'o sieglo XX, y miembro d'a dita Arquitectura moderna.

Formación y primeras anyadas[editar | modificar o codigo]

Estudeyó Arquitectura en a Escuela Politecnica de Helsinki, a capital d'o país, a on se graduó en 1921. Dimpués d'a suya graduación, fació un largo viache d'estudios por Europa. En 1923 ubrió o suyo primer despacho d'arquitecto, y en 1925 casó con Aino Marsio, que sería dimpués a suya colaboradora en a suya obra dica la muerte d'Aino en 1949.

A suya consagración[editar | modificar o codigo]

En 1928 partecipó en o Congreso Internacional d'Arquitectura Moderna, y dimpués se tresladó ta os Estaus Unius, a on estió profesor, en l'Instituto Tecnolochico de Massachusetts (MIT).

Estió uno d'os primers y o prencipal arquitecto miembro d'o dito Movimiento Moderno en l'arquitectura d'Escandinavia.

Tamién destacó como disenyador de muebles.

Caracteristicas d'a suya obra[editar | modificar o codigo]

A Universidat Tecnica de Helsinki, un prochecto d'Alvar Aalto.

Aalto integraba l'arquitectura en o paisache d'arredol, formando asinas un conchunto armonico entre os dos. Os suyos materials favoritos yeran o ladriello y a fusta.

Muerte[editar | modificar o codigo]

Alva Aalto morió en Helsinki l'11 de mayo de 1976.

Vinclos externos[editar | modificar o codigo]