Resistor

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000
Iste articlo ye sobre o component electronico. Se veiga resistencia electrica ta o fenomeno fisico.
Fegura 1: Simbolos.
Fegura 2: Diferents resistencias totas ellas de tipo axial.
Fegura 3: Resistencia de montache superficial u SMD.

Un resistor u resistencia ye o component electronico disenyato ta meter una resistencia electrica determinata entre dos puntos d'un cercuito. En atros casos, como en as planchas, calentadors, ecetra., as resistencias s'emplegan ta producir calor aprofeitando lo efecto Joule. Entre os tecnicos ye frecuent fer servir o termin resistor por estar mas preciso que resistencia.

A corrient maxima en un resistor viene data por a maxima potencia que puet disipar o suyo cuerpo. Ista potencia se puet identificar visualment a partir d'o diametro sin que sía menester tener denguna atra indicación. As valors mas corrients son 0,25 W, 0,5 W y 1 W.

Existen resistencias de valor variable, que se dicen potenciometros.

Comportamiento en un cercuito[editar | modificar o codigo]

Os resistors s'emplegan en os cercuitos ta limitar a valor d'a corrient u ta fixar a valor d'a tensión. Se veiga la Lei d'Ohm.

Sistemas de Codificación[editar | modificar o codigo]

Codigo de colors[editar | modificar o codigo]

Ta caracterizar un resistor s'amenistan tres valors: resistencia electrica, disipación maxima y precisión u tolerancia. Istas valors s'indican a ormino sobre a mesma resistencia pendendo d'o tipo d'ista; ta o tipo de resistor axial, que se puet veyer en as fotografías, ditas valors apareixen con un codigo de franchas de colors.

Istas valors s'indican con un conchunto de franchas de colors sobre o cuerpo de l'elemento. Son tres, cuatre u cinco franchas; metendo a francha de tolerancia (a sobén de color archent u oro) a la dreita, se leyen d'ezquierda enta dreita. A zaguera francha sinyala la tolerancia (precisión). D'a resta, a zaguera ye o multiplicador y las atras as cifras.

A valura d'a resistencia electrica s'obtiene leyendo as cifras como un numero d'una, dos u tres cifras; se multiplica por o multiplicador y s'obtiene o resultato en Ohmios (Ω). O coeficient de temperatura nomás s'aplica en resistencias d'alta precisión (tolerancia menor de l'1%).

Color d'a francha Valor d'a 1°cifra significativa Valor d'a 2°cifra significativa Multiplicador Tolerancia Coeficient de temperatura
Negro 0 0 1 - -
Marrón 1 1 10 ±1% 100ppm/°C
Royo 2 2 100 ±2% 50ppm/°C
Narancha 3 3 1 000 - 15ppm/°C
Amariello 4 4 10 000 4% 25ppm/°C
Verde 5 5 100 000 ±0,5% -
Azul 6 6 1 000 000 - 10ppm/°C
Violeta 7 7 - - 5ppm/°C
Gris 8 8 - - -
Blanco 9 9 - - 1ppm/°C
Dorato - - 0,1 ±5% -
Archent - - 0,01 ±10% -
Garra - - - ±20% -
Valors de resistencia ta resistors disponibles en comercios

Como leyer a valor d'una resistencia[editar | modificar o codigo]

En una resistencia tenemos por un regular 4 linias de colors, encara que en podemos trobar belatras que tiengan 5 linias (4 de colors y 1 que indica tolerancia) imos a prener amás cheneral las de 4 linias, as primeras 3 y dixamos d'atra man a tolerancia que ye de color archent u oro.

  • A primera linia representa o dichito d'as decenas.
  • A segunda linia representa o dichito d'as unidaz.
  • O numero asinas formato se multiplica por a potencia de 10 exprisata por a tercera linia (multiplicador).

Por eixemplo:

Tenemos una resistencia con as colors verda, amariella, roja y oro.

  • Rechistramos a valor d'a primera linia (verda): 5
  • Rechistramos a valor d'a segunda linia (amariella): 4
  • Rechistramos a valor d'a tercera linia (roya): X 100
  • Unimos as valors d'as primeras dos linias y multiplicamos por a valor d'a tercera

54 X 100 = 5400Ω o 5,4 kΩ y ista ye a valor d'a resistencia esprisata en Ohmios

Eixemplos[editar | modificar o codigo]

Fegura 4: Resistencia de valor 2.700.000 Ω y tolerancia de ±10%
  • A caracterización d'una resistencia de 2.700.000 Ω (2,7M Ω), con una tolerancia de ±10%, sería la representata en a Fegura 4:
1°cifra: royo (2)
2°cifra: morato (7)
Multiplicador: berde (100000)
Tolerancia: Archent (±10%)
Fegura 5: Resistencia de valor 65 Ω y tolerancia de ±2%
  • A valor d'a resistencia d'a Fegura 5 es de 65 Ω y tolerancia de ±2% ya que:
1ª cifra: azul (6)
2ª cifra: verde (5)
3ª cifra: negro (0)
Multiplicador: dorato (10-1)
Tolerancia: Royo (±2%)

Codificación de los Resistores en SMT[editar | modificar o codigo]

Ista imachen amuestra cuatre resistors de montache de superficie (o component en a parti superior ezquierda ye un condensador) incluindo dos resistors de zero ohmios. Os enlaces de zero ohmios s'emplegan a sobén en cuentas d'enlaces d'arambre

A los resistors cuan se troban en cercuitos con tecnolochía de montache de superficie lis s'imprentan valors numericas en un codigo pareixito a lo emplegato en os resistors acsials.

Os resistores de tolerancia stándard en istos tipos de montaches (Standard-tolerance Surface Mount Technology (SMT)) son marcatos con un codigo de tres dichitos, en que os primers dos dichitos representan os primers dos dichitos significativos y o tercer dichito representa una potencia de diez (o numero de zeros).

  • Por eixemplo:
"334" 33 × 10,000 ohmios = 330 kiloohmios
"222" 22 × 100 ohmios = 2.2 kiloohmios
"473" 47 × 1,000 ohmios = 47 kiloohmios
"105" 10 × 100,000 ohmios = 1 megaohmios

Os resistors de menos de 100 ohmios s'escriben: 100, 220, 470. O numero zero a la fin representa diez a la potencia de zero, que ye 1.

  • Por eixemplo:
"100" = 10 × 1 ohmios = 10 ohmios
"220" = 22 × 1 ohmios = 22 ohmios

A vegatas istas valors se marcan como "10" u "22" ta aprevenir errors.

Os resistors menors de 10 ohmios tienen una 'R' ta indicar a posición d'o punto decimal.

  • Por eixemplo:
"4R7" = 4.7 ohmios
"0R22" = 0.22 ohmios
"0R01" = 0.01 ohmios

Os resistors de precisión son marcatos con codigos de cuatre dichitos, en os que os primers tres dichitos son os numeros significativos y o cuatreno ye a potencia de diez.

  • Por eixemplo:
"1001" = 100 × 10 ohmios = 1 kiloohmio
"4992" = 499 × 100 ohmios = 49.9 kiloohmios
"1000" = 100 × 1 ohmios = 100 ohmios

As valors "000" y "0000" apareixen a vegatas en os enlaces de montaches de superficie, debito a que tienen una resistencia de cuasi zero.

Codificación para uso Industrial[editar | modificar o codigo]

Formato: XX 99999 ó XX 9999X [dos letras]<espacio>[valor d'o resistor (tres/quatre dichitos)]<sinespacio>[codigo de tolerancia(numerico/alfanumerico - un dichito/una letra)]

Ratio de potencia a 70 °C
Tipo Nº. Ratio de
potencia
(watts)
MIL-R-11
Norma
MIL-R-39008
Norma
BB 1/8 RC05 RCR05
CB ¼ RC07 RCR07
EB ½ RC20 RCR20
GB 1 RC32 RCR32
HB 2 RC42 RCR42
GM 3 - -
HM 4 - -
Codigo de Tolerancia
Designación Industrial Tolerancia Designación MIL
5 ±5% J
2 ±20% M
1 ±10% K
- ±2% G
- ±1% F
- ±0.5% D
- ±0.25% C
- ±0.1% B

O rango d'a temperatura operacional distingue os tipos comercial, industrial y militar d'os components.

  • Tipo Comercial : 0 °C a 70 °C
  • Tipo Industrial : −40 °C a 85 °C (a vegatas −25 °C a 85 °C)
  • Tipo Militar : −55 °C a 125 °C (a vegatas -65 °C a 275 °C)
  • Tipo Estandar: -5 °C a 60 °C

Resistencias de precisión[editar | modificar o codigo]

Son aquellas cual valor s'achusta con errors de 100 partis por millón u menos y tien amás una variación mui chicota con a temperatura, de l'orden de 10 partis por millón entre 25 y 125 grados Celsius. Iste component tien una utilización muit especial en cercuitos analochicos, con achustes muit precisos d'as especificacions, ta mas datos se veigan os manuals de Vishay, entre atros.

Se veiga tamién[editar | modificar o codigo]

Vinclos externos[editar | modificar o codigo]