Relentless (cinta)

Iste articlo ye sobre un western estausunidense de 1948; ta atros usos, se veiga Relentless.

Relentless
Títol	Relentless
Póster d'a cinta.
Ficha tecnica
Dirección	George Sherman
Aduyant de dirección	Milton Feldman Carl Hiecke
Dirección artistica	Stephen Goosson Walter Holscher
Producción	Eugene B. Rodney
Guión adaptau	Winston Miller
Basau en	Three Were Thoroughbreds, novela de Kenneth Perkins (1938)
Musica	Marlin Skiles
Soniu	Hugh McDowell Jr.
Fotografía	Edward Cronjager
Montache	Gene Havlick
Escenografía	Wilbur Menefee James Roach
Vestuario	Jean Louis
Peluquería	Helen Hunt
Actors	Robert Young Marguerite Chapman Willard Parker Akim Tamiroff Barton MacLane Mike Mazurki Robert Barrat Clem Bevans
Color	Technicolor
Datos y cifras
País(es)	Estaus Unius
Anyo	1948
Estreno	20 de febrero de 1948 Estaus Unius
Chenero(s)	Cine de western
Durada	93 min.
Idioma(s)	Anglés
Companyías
Productora(s)	Cavalier Productions
Distribución	Columbia Pictures
Recauto	1,6 millons de dólars
Informacions en bases de datos especializadas:

Relentless (títol orichinal en anglés, en aragonés Implacable, estrenada en Aragón con o títol en castellano de Sangre en la sierra, en aragonés Sangre en a sierra) ye una cinta de cine estausunidense de cine de western estrenada l'anyo 1948, dirichida por George Sherman seguntes un guión adaptau por Winston Miller (basau en a novela Three Were Thoroughbreds, que heba publicau Kenneth Perkins en l'anyo 1938), con una banda sonora orichinal de Marlin Skiles, una dirección de fotografía d'Edward Cronjager, una producción cinematografica a lo cudiau d'Eugene B. Rodney y un elenco d'actors d'o cual en fan parte, en os papels principals d'a cinta, Robert Young, Marguerite Chapman, Willard Parker, Akim Tamiroff, Barton MacLane, Mike Mazurki, Robert Barrat y Clem Bevans.

Len Briggs y Bob Pliny son dos buscadors d'oro que comentan en o saloon que han trobau una important mena d'oro, y Tex Brandaw y Jim Rupple deciden seguir-los t'apoderar-se d'a mina. En ixe inte plega en a ciudat Nick Buckley, qui busca refuchio ta la yeugua que marcha con él, que ye colluta, y los buscadors d'oro lo convidan a beber ta celebrar a suya buena suerte en haber trobau la mena y li ufren refuchio ta la nueit, pero Tex li suchiere un puesto alternativo. Cuan os buscadors d'oro tornan en a suya casa, Tex y Jim los asasinan y lis roban o mapa que diz lo puesto exacto d'a mena, lo dividen en dos quedando-se cadaguno una part y alcuerdan trobar-se posteriorment ta explotar a mena. Pero Tex li roba la suya part d'o mapa a Jim y fuye, perseguiu por Jim. Iste troba en o camín a Nick y li roba la yeugua, que acaba de librar y en consecuencia no ye en condicions ta fer esfuerzos, y l'animal muere. Nick, bien encalabrinau, lo persigue y lo mata en un tiroteyo. Tex, que ha presenciau l'incident, li diz que no pare cuenta, que él avisará a las autoridaz y lis levará lo cuerpo d'o muerto y que él pare cuenta nomás que d'o purruche, que amenista mamantoniar. Tanimientres, loq ue fa Nick ye decir-le a lo sheriff que él ha podiu veyer cómo Nick ha matau a los dos buscadors d'oro y tamién a Jim, y lo sheriff comanda un grupo en a suya persecución. Nick, que no sabe que lo persiguen, troba a Luella Purdy, una vendedora ambulant que l'aduya a trobar una mai ta lo popenco y toz dos mercan una burra ta que aleite a lo mamentón. Cuan lo sheriff los troba, Nick se veye obligau a fuyir, aduyau por Luella, qui ha creyiu a suya historia, en busca d'o verdadero culpable d'os crímens.

A cinta s'ambienta en bel momento indeterminau d'o sieglo XIX en bel puesto indeterminau d'os Estaus Unius (fácil que en Arizona) y las suyas escenas se filmoron en Apache Junction, Marana, Sedona, Silver Bell, Simi Valley, Tucson, o disierto de Sonora y bels atros puestos en Arizona.

Elenco

Actor	Papel	Notas
	'

Se veiga tamién

• Cine en 1948.
• Cintas de 1948.

Referencias

• Datos: Q10636527