Bebida alcoholica

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Vin tinto.

As bebidas alcoholicas son aquellas bebidas que contienen etanol (alcohol etilico) en a suya composición. Atendendo a la elaboración se pueden distinguir entre as bebidas producidas simplament por fermentación alcoholica (vin, biera, sidra, aguamiel, sake) en as qualas o conteniu en alcohol no gosa superar os 15 graus, y as producidas por destilación, cheneralment a partir d'un producto de fermentación previo. Entre istas zagueras se troban os diferents tipos d'aguardientes (como o brandy, o whisky, o tequila, o ron, o vodka, a cachaça, o pisco, a chinebra, etc.) y os licors, entre atras.

A cantidat d'alcohol d'un licor u unatra bebida alcoholica se mide bien por o volumen d'alcohol que contienga u bien por o suyo grau d'alcohol.

L'alcohol ye una droga legal en a mayor parte d'o mundo, con a excepción d'os estaus islamicos, y causa millons de muertes a l'anyo por alcoholismo.