Boticario
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
O boticario (u boticaria si ye muller, en tensino apoticario/a, d'o griego a traviés d'o latín apot[h]ecarius) ye un profesional d'as sciencias d'a salut que exerce a farmacia y ye un gran conoixedor d'as merecinas, asinas como d'os efectos que puet tener istas en o cuerpo humán y as propiedatz quimicas y biolochicas d'a merecina y d'o cuerpo a on actúa.
O feito de que en a carrera de farmacia bi haiga gran cantidat de disciplinas, fa que un boticario siga un profesional versatil y multidisciplinario, dende os campos d'a farmacolochía u a quimica, dica campos como a botanica, a medecina u a chenetica. Un boticario no ye nomás un propietario u treballador en una botica que dispensa merecinas, tamién pueden treballar en o campo d'a investigación biomedica, en a industria cosmetica, en analisis clinicos y d'auguas, en un hespital como boticario hespitalario u como especialista de diagnostico microbiolochico, bioquimico u immunolochico (FIR), colaborando en l'administración publica en o control de l'uso de merecinas (salut publica) u en a industria farmaceutica u quimica ocupando a dirección tecnica d'un laboratorio farmaceutico u d'una distribuidora de merecinas, etc.