Rechión de Trebinje

Rechión de Trebinje Регија Требиње Regija Trebinje
Rechión d'a Republica Serbisca
Entidat  • Estato  • Entidat	Rechión Bosnia y Herzegovina Republica Serbisca
Capital	Trebinje
Subdivisions	7 municipios
Población  • Total (2005)	75.393 hab.
ISO 3166-2	BIH
Localización d'a rechión de Trebinje

A rechión de Trebinje (en serbo Регија Требиње, en bosniaco Regija Trebinje) ye una d'as siet rechions d'a Republica Serbisca. A capital d'a rechión ye Trebinje.

Comprende parti de l'este d'Herzegovina y ye situada a o sureste d'o país.

Representa una zona d'antigo poblamiento serbo en total continación territorial con Montenegro y Serbia. Un d'os primers estaus serbiscos yera precisament en esta zona, o principau u župa de Travunja, toponimo que retiene a capital d'esta rechión (Trebinje). Quedó baixo poder serbo dende o encomienzo d'a Guerra de Bosnia, encara que bi habió intervencions d'as fuerzas regulars y irregulars crovates por estar una zona dende a on que os serbos atacaban as suyas posicions de Ragusa y d'Herzegovina central. Por a Paz de Dayton de 1995 os territorios d'Herzegovina oriental de mayoría serba y baixo o suyo control quedoron en a Republica Serbisca, de fuera d'unas aldeyas serbiscas d'una francha de territorio chunto a la muga con o sudeste de Croacia, que se cedioron por motivos estratechicos a la Federacija.

Lista de municipios

1. Berkovići.
2. Bileća.
3. Gacko.
4. Istočni Mostar (conoixiu mientres a Guerra de Bosnia y dica l'anyo 2004 como Srpski Mostar, "Mostar Serbisco").
5. Ljubinje.
6. Nevesinje.
7. Trebinje.

Se veiga tamién

• Organización territorial d'a Republica Serbisca.