Raquel Meller
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Raquel Meller | |
|---|---|
 Raquel Meller, por Sorolla | |
| Información personal | |
| Nombre real | Francisca Marqués López |
| Calendata naiximiento: | 10 de marzo de 1888 |
| Puesto naiximiento: |  Tarazona (Aragón)
|
| Calendata muerte: | 26 de chulio de 1962 |
| Puesto muerte: |  Barcelona
|
Francisca Marqués López (Tarazona, 10 de marzo de 1888 – Barcelona, 26 de chulio de 1962),[1] mas conoixita por o nombre artistico Raquel Meller estió una cantaire, cupletista y actriz aragonesa. Se diz que estió l'artista espanyola con mas exito internacional d'entre o sieglo XX. Ella estió qui cantó a versión orichinal de buena cosa de cancions espanyolas bien famosas, como La violetera u El relicario. D'entre os anyos vinte y os trenta d'o sieglo XX estió famosa y almirata como una estrela internacional.
Su pai yera aragonés y su mai de La Rioja.[2] Estando ella muit chica se tresladoron t'a o lugar riojano d'Inestrillas an que su pai treballaba de ferrero. Dimpués de bels anyos, a suya familia se tresladó ta Barcelona, pero ella remanió en La Rioja, baixo a tutela d'una tía materna, dica que se reunió con a suya familia que s'heba instalau en o barrio d'o Poble Sec de Barcelona. A choven Francisca treballó en un taller de confección frecuentau por artistas de teatro, y estió ta par d'alavez cuan conoixió a la cantaire Marta Oliver. Baixo o suyo popiellache, Francisca debutó en o salón La gran Peña en febrero de 1908, con o nombre artistico de La Bella Raquel. Poco dimpués modificó iste nombre, adhibindo-ie o sonoro apelliu Meller, diz que como recuerdo de l'amor que sentiba por un hombre alemán. O 16 de setiembre de 1911, Raquel Meller fa o suyo gran debut en o Teatro Arnau de Barcelona. Fue por ixas envueltas cuan cantaba La violetera u El relicario, dos piezas composatas por José Padilla Sánchez que la facioron muit conoixita.
Filmografía
[editar | modificar o codigo]- 1919: Arlequines de seda y oro.
- 1922: Rosa de Flandes.
- 1923: La tierra prometida.
- 1924: Violettes impériales, versión muda.
- 1925: Ronda de noche.
- 1926: Carmen .
- 1927: Nocturno.
- 1928: La venenosa.
- 1932: Violetas imperiales, versión sonora.
- 1936: Lola Triana, sin rematar.
Vinclos externos
[editar | modificar o codigo]
Se veigan as imáchens de Commons sobre Raquel Meller.- (es) Raquel Meller en a Gran Enciclopedia Aragonesa.
- (es) Raquel Meller en a pachina web de Riojanos ilustres.
- (es) Raquel Meller en Biografías y Vidas.
- (en) Raquel Meller en IMDb.
- (en) (es) Homenache a Raquel Meller.
Referencias
[editar | modificar o codigo]| Control d'autoridaz |
|
|---|
Datos: Q2670911- Multimedia: Raquel Meller / Q2670911