La violetera

Iste articlo ye sobre una canción de cuplet compuesta en 1914; ta atros usos, se veiga La violetera (desambigación).

La violetera
Estatua d'a cantaire aragonesa Raquel Meller en Barcelona, caracterizada como A violetera.
Información cheneral
En aragonés	A violetera
Letras	Eduardo Montesinos
Idioma	Castellano
Cantaire	Raquel Meller Sara Montiel Los Cinco Latinos Carlos Gardel Dinah Shore Montserrat Caballé Concha Piquer Nana Moskouri Marta Santaolalla María Dolores Pradera Nathy Peluso etc.
Compositor	José Padilla Sánchez
Chenero	Cuplet

La violetera (títol orichinal en castellano, en aragonés A violetera) ye una canción de cuplet compuesta l'anyo 1914 por o compositor José Padilla Sánchez con letra d'o escritor y letrista Eduardo Montesinos. Se fació muit popular en Espanya por a interpretación que en feba la cantaire aragonesa Raquel Meller y dimpués en estar o tema central d'a historia d'a cinta La Violetera dirichida en 1958 por Luis César Amadori y a on l'actriz y cantaire Sara Montiel, protagonista d'a cinta, en feba la suya interpretación. Dende alabez ha estau obchecto de cuantismas interpretacions y adaptacions por parte de cuantos artistas, como Los Cinco Latinos, Carlos Gardel, Dinah Shore, Montserrat Caballé, Concha Piquer, Nana Moskouri, Marta Santaolalla, María Dolores Pradera u Nathy Peluso (ista zaguera, en a ceremonia d'a 35^ena edición d'os Premios Goya en 2021).

O suyo texto se tradució ya en primerías d'os anyos 1920 a l'anglés y se popularizó en amanixer en bella producción teatral estausunidense. En 1931 Charles Chaplin incluyó la versión d'a canción en a cinta City Lights, convertendo-la en a trama central d'a cinta, y l'autor d'a musica, José Padilla, presentó una denuncia contra él en París, denuncia que ganó en no poseyer Chaplin os dreitos d'autor d'a canción.

Letra[editar | modificar o codigo]

En castellano
Como aves precursoras de primavera
en Madrid aparecen las violeteras
que pregonando parecen golondrinas
que van piando, que van piando.
Llévelo usted señorito que no vale más que un real.
Cómpreme usted este ramito
Cómpreme usted este ramito
pa' lucirlo en el ojal.
Son sus ojos alegres, su faz risueña,
Lo que se dice un tipo de madrileña
neta y castiza, que si entorna los ojos
te cauteriza, te cauteriza.
Llévelo usted señorito que no vale mas que un real.
Cómpreme usted este ramito
Cómpreme usted este ramito
pa' lucirlo en el ojal.

En aragonés
Como aus precursoras d'a primavera
en Madrit aparixen as violeteras
que pregonando parixen volandrinas
que van piulando, que van piulando.
Leve-lo vusté sinyoret que no val so que un reyal.
Merque-me vusté iste ramet
Merque-me vusté iste ramet
ta lucir-lo en a traba.
Son os suyos uellos alegres, a suya faz ridolenta,
O que s'en diz una traza de madrilenya
neta y castiza, que si fa la cegalleta
te cauteriza, te cauteriza.
Leve-lo vusté sinyoret que no val so que un reyal.
Merque-me vusté iste ramet
Merque-me vusté iste ramet
ta lucir-lo en a traba.

Vinclos externos[editar | modificar o codigo]

La violetera cantada por Raquel Meller en YouTube.
La violetera cantada por Sara Montiel en YouTube.
La violetera cantada por Nathy Peluso en YouTube.
La violetera cantada por Gigliola Cinquetti en YouTube.
La violetera cantada por Montserrat Caballé en YouTube.
La violetera cantada por María Dolores Pradera en YouTube.
La violetera cantada por Imperio Argentina en YouTube.
La violetera cantada por Nana Moskouri en YouTube.
La violetera cantada por Concha Piquer en YouTube.
La violetera cantada por Los Cinco Latinos en YouTube.