Rapatán

Concepción artistica d'un rapatán.

Un rapatán u repatán (de l'arabe hispanico <rább aḍḍán, «sinyor d'as uellas») ye o más choven d'os pastors d'una companyía que va pastor en a transuancia. Tipicament, ye un nino u zagal adolescent d'entre 10 y 15 anyos.

Os rapatans son os zaguers en a hierarquía d'a companyía transuant, y reciben órdens de totz os pastors de demés. Enantes, antes de que se popularizás o emplego de cans d'aturar en os rabanyos, a suya fayena principal consistiba en correr dezaga d'as uellas ta chirar-las y fer-las aturar, ta fer-las seguir o camino, alto u baixo como actualment o fan os cans.

Anque ye un treballo desapareixiu en Aragón, a suya figura sigue d'actualidat en as pastoradas y os romances aragoneses, a on que i gosa amaneixer bell personache de rapatán y a lo qui o cliché fa siempre innocent y simplón.

Se veiga tamién

• Corderer.

• Mairal.

• Segundo.

• Vaciver.

• Chulo.