Radio Havanna

De Biquipedia
Ir a la navegación Ir a la búsqueda
Radio Havanna
Radio Havanna en 2010
Radio Havanna en 2010
Nombre {{{Nombre_de_naximiento}}}
Embotada {{{Alias}}}
Naixió {{{Naximiento}}}
Murió {{{Muerte}}}
Información musical
Orichen Berlín, Alemanya Flag of Germany.svg
Estilo Punk
Ocupancia {{{Ocupanzia}}}
Instrumentos {{{Estrumento}}}
Tiempo 2002 - ...
Discograficas {{{Discografica}}}
Relacionato con {{{Artistas_relacionatos}}}
Pachina web www.radiohavanna.de
Miembros
Fichte
Olli
Anfy
Arni

Radio Havanna ye un grupo de musica punk en alemán resident en a ciudat de Berlín y orichinario d'a localidat de Suhl (Turinchia).

Historia[editar | editar código]

Ya en 1999 Anfy, Olli y Arni heban establito una colla musical en a suya escuela con o nombre de "Beware". Con influencias de grupos punk como The Offspring, Green Day, NOFX, Social Distortion u Pennywise prencipioron a fer versions de cantas conoixitas y, poquet dimpués a escribir as suyas propias cantas. En 2002 s'unió a la colla Fichte como cantaire. Inspiratos por una canta de Rancid, Fichte, Arni, Olli y Anfy decidioron en 2002 decir a la suya colla "Radio Havanna".

Dimpués d'una primera maqueta producita por ells mesmos, "Hossings Bruder", en l'anyo 2005 amaneixe o suyo álbum debut con o títol de "Aus der Traum?" a traviés d'a discografica Fatsound Records. Iste primer CD fue producito por Ronny Keil en Erfurt. Dimpués se facioron a-saber-los conciertos, encluyindo 2 grans chiras por toda Alemanya y Austria. Con o siguient disco, "Generation X" en 2007, a colla contina con a suya trachectoria musical y Radio Havanna prencipia a convertir-se en una parti integral d'a scena alternativa d'a musica alemana. Iste CD tamién fue producito por Ronny Keil y publicato con Fatsound Records. Ixe mesmo anyo a colla se treslada dende a suya localidat d'orichen Suhl, en Turinchia, enta Berlín. En l'anyo 2010 a colla presentó o suyo tercer treballo "Lauter Zweifel" (amaneixió o día 28 de mayo de 2010). L'álbum se gravó en a primavera de 2010 en os estudios Daily Hero Studios de Berlin y fue gravato y producito por Florian Nowak.

Dimpués de 8 anyos de trachectoria a colla ha feito mas de 250 conciertos y ha quitato 3 álbums d'estudeo. Radio Havanna han actuato como teloners d'importants collas a ran internacional como Anti-Flag, Alexisonfire, Lagwagon, No Use For A Name, Sum 41, Good Charlotte, Set Your Goals, A Wilhelm Scream, Broadway Calls u The Briggs. Amás a colla fa parti activament de prochectos relacionatos con temas politicos y socials, no nomás refirmando-los con as suyas parolas, sino tamién colaborando con organizacions como Oxfam.

Discografía[editar | editar código]

Álbums[editar | editar código]

Anyo Álbum
2005 Aus der Traum?
2007 Generation X
2010 Lauter Zweifel

Atros[editar | editar código]

  • 2004: Punkchartbusters Vol. 5 (Replega de musica punk)

Vinclos externos[editar | editar código]