Túnel de Bielsa-Aranyonet

De Biquipedia
Ir a la navegación Ir a la búsqueda
Ta o túnel chicot de Bielsa se veiga túnel de Bielsa
Bielsa-Aranyonet
Bielsa-Aragnouet
Dentrada a o túnel en Aragón
Dentrada a o túnel en Aragón
Situación
País Flag of Occitania.svg Bigorra
Flag of Aragon.svg Aragón
De
ta
Bielsa
Aranyonet
Datos chenerals
Altaria 1.664-1.821 m
Trazato /
construyito en
Maxima costera %
Longaria km
Tipo Carretera
Zarrato
d'hibierno


O túnel de Bielsa-Aranyonet u simplament o túnel de Bielsa ye un túnel carretero internacional situato en o Perineu central. Une as vals de Bielsa (Aragón) y d'Aura (Bigorra).

Historia[editar | editar código]

O puerto en o suyo canto occitán.
Dentrada dende Occitania.
Panel informativo a la dentrada d'o túnel dende Occitania.

Fue construito por un convenio internacional entre o Gubierno espanyol y o Consello Cheneral d'o departamento d'os Altos Perineus en a decada d'os anyos 1970. L'alcalde d'a localidad de Sent Lari e Sola, Vincent Mir, estió o suyo prencipal empentador. Dimpués de quantos retrasos debitos a problemas tecnicos o túnel s'inauguró en octubre de l'anyo 1976.

Debito a o duro clima perinenco y la manca d'atención por parti d'as autoridatz espanyolas y francesas o túnel s'estropició prou, por lo que en primerías d'o sieglo XXI se facioron obras de reforzamiento y s'amilloró a seguridat en instalar-se un semaforo que impide que dos camions se crucen en o interior d'o estreito túnel. En l'anyo 2008 o Gubierno d'Aragón y o departamento d'os Altos Perineus sinyoron un alcuerdo ta formar un consorcio que chestiona de traza conchunta tanto o túnel internacional como quantos kilometros (4,5 km d'a carretra autonomica A-138 en Aragón y 6,1 km d'a carretera departamental RD-118 en os Alto Perineus) d'as carreteras que sirven d'acceso a o mesmo dende os dos países, estando l'obchectivo prencipal a limpieza hibernal ta mantener ubierto o paso transperinenco.

A solución finitva ta o túnel de Bielsa sería a de construir un segundo tubo de traza que cadagún d'os túnels fuese unidireccional, manimenos no pareixe que agane muito d'enamplar o túnel dende dengún d'os dos cantos d'a muga. Amás d'iste feito, o Gubierno Francés ye mirando de derivar parti d'os traficos perinencos d'a carretera enta o ferrocarril y d'atra man, cal decir que a versant francesa ye una zona protechita con una carretera de carácter secundario.

Caracteristicas[editar | editar código]

Ye un túnel d'un solo tubo de doble dirección con una longaria de 3.070 metros, d'os que 1.298 se troban en tierra aragonesa y 1.772 en Occitania. A dentrada d'o costato aragonés ye a 1.664 metros d'altaria y a occitana a 1.821 metros. Debito a l'altaria ye un túnel que se gosa zarrar a la circulación frecuentment d'hibierno.

Se veiga tamién[editar | editar código]

Vinclos externos[editar | editar código]