Presumed Innocent (cinta)

Iste articlo ye sobre un cinta de cine d'intriga policiaca y de chudicios estausunidense de 1990; ta atros usos, se veiga Presumed Innocent.

Presumed Innocent
Títol	Presumed Innocent
Póster d'a cinta.
Ficha tecnica
Dirección	Alan J. Pakula
Dirección artistica	Robert Guerra
Producción	Sydney Pollack Mark Rosenberg
Disenyo de producción	George Jenkins
Guión adaptau	Frank Pierson Alan J. Pakula
Basau en	Presumed Innocent, novela de Scott Turow (1987)
Musica	John Williams
Fotografía	Gordon Willis
Montache	Evan A. Lottman
Escenografía	Carol Joffe
Vestuario	John Boxer
Maquillache	Fern Buchner Vincent Callaghan Craig Lyman
Peluquería	Colleen Callaghan Judi Goodman
Casting	Alixe Gordin
Actors	Harrison Ford Brian Dennehy Raul Juliá Bonnie Bedelia Paul Winfield Greta Scacchi John Spencer Joe Grifasi Tom Mardirosian Anna Maria Horsford Sab Shimono Bradley Whitford Christine Estabrook Michael Tolan Jesse Bradford Joseph Mazzello Tucker Smallwood David Wohl Jeffrey Wright
Color	Technicolor
Datos y cifras
País(es)	Estaus Unius
Anyo	1990
Debantadera	25 de chulio de 1990 Westwood (California, Estaus Unius)
Chenero(s)	Cine d'intriga Cine policiaco Cine de chudicios
Durada	127 min.
Idioma(s)	Anglés
Companyías
Productora(s)	Mirage Enterprises
Distribución	Warner Bros.
Presupuesto	20 millons de dólars
Recauto	221 millons de dólars
Informacions en bases de datos especializadas:

Presumed Innocent (títol orichinal en anglés, en aragonés Presunto inocent, enguerada en Aragón con o suyo títol traduciu enta lo castellano como Presunto inocente) ye una cinta de l'anyo 1990 de cine estausunidense de cine d'intriga policiaca de chudicios dirichida por Alan J. Pakula seguntes un guión adaptau por Frank Pierson y lo mesmo Alan J. Pakula (basau en a novela Presumed Innocent, que heba publicau Scott Turow en 1987), con una banda sonora orichinal de John Williams, una dirección de fotografía de Gordon Willis y una producción cinematografica de Sydney Pollack y Mark Rosenberg ta la productora cinematografica Mirage Enterprises. Conta con un elenco d'actors formau, entre d'atros, por Harrison Ford, Brian Dennehy, Raul Juliá, Bonnie Bedelia, Paul Winfield, Greta Scacchi, John Spencer, Joe Grifasi, Tom Mardirosian, Anna Maria Horsford, Sab Shimono, Bradley Whitford, Christine Estabrook, Michael Tolan, Jesse Bradford, Joseph Mazzello, Tucker Smallwood, David Wohl y Jeffrey Wright.

Rozat "Rusty" Sabich treballa como fiscal aduyant d'o fiscal d'o districto Raymond Horgan, estando la suya man dreita. Cuan troban a una choven fiscal, Carolyn Polhemus, violada y asasinada, Raymond fa que Rusty sía a lo cudiau d'o caso. Tommy Molto, un policía d'o Departamento d'Homicidios, colabora con o candidato rival de Raymond a las eleccions a fiscal d'o districto, Nico Della Guardia, y Raymond amenista un exito a escape. Rusty heb teniu una relacion con Carolyn pero ista la finalizó y, encara que reconciliau con su muller, Rusty encara ye obsesionau por Carolyn. Harold Greer ye lo detective de policía al cudiau d'a investigación, pero bien luego Rusty lo cambia ta ceder a investigación a Dan Lipranzer, un amigo suyo a qui explica la situación y li demana que dixe fuera d'a investigación a suya relación con a victima. Raymond presiona a Rusty, y finalment li reconoix que él tamién heba teniu una relación con a victima. Bien luego prencipian a trobar-se bels indicios que fan pensar en a posible autoría de Rusty de l'asasinato a Molto, qui ye fendo las suyas propias investigacions,y cuan Della Guardia gana las eleccions y se converte en o nuevo fiscal d'o districto, l'acusan formlment de l'asasinato y Rusty contracta a Sandy Stern, o millor avogau penalista, con qui heba compartiu cudicios cuan treballaba como fiscal, siempre tenendo-lo como adversario. Bien luego descubren que lo caso reposa esencialment en as huellas dactilars de Rusty trobadas en un vaso en casa d'a victima, pero que ixe vaso ha desapareixiu, encara que los indicios contra Rusty son bien culpabilizadors.

A cinta s'ambienta en a suya epoca actual (1990) en un condau ficticio d'os Estaus Unius y las suyas escenas se filmoron en Detroit (Michigan), en Allendale y Newark (Nueva Jersey) y en Nueva York y Tarrytown (Nueva York) en os Estaus Unius y en Windsor (Ontario) en Canadá.

Ye una cinta que ha recibiu bels premios y nominacions, encara que garra d'istos premios no perteneixe a los prmios cinematograficos mas conoixius u destacaus.

Elenco

Actor	Papel	Notas
[[]]	'

Se veiga tamién

• Cine en 1990.
• Cintas de 1990.