Napa tectonica

Esquema de "napa tectonica", que dimpués d'un proceso d'erosión deixa veyer l'"autoctono" por una finestra tectonica, y pierde superficie en a part frontal quedando de l'antiga part frontal de l'aloctono islas tectonicas u clipes.

Una napa tectonica ye una estructura cheolochica de mida gran que consiste en un conchunto de materials superficials dito aloctono por haber estau moviu dende o suyo puesto pa superposar-se dencima d'un conchunto de materials autoctono, que a primerías yera prou luent. A napa tectonica ye una estructura compresiva que implica acurzamiento litosferico en profundidat, y en o modelo d'a Tectonica de Placas s'interpreta por movimientos converchents entre placas. En o Prepireneu bi ha napas tectonicas. A Sierra de Chía ye una clipe y part aislada d'una napa tectonica que ha perdiu superficie por erosión d'a part frontal.

Bi ha diferents tipos de napas tectonicas. As de napas de cobertera afectan a una cobertera sedimentaria desapegada d'o basamento a traviés d'un nivel plastico que permite que se desapegue esta cobertera; en os Pireneus o Keuper cumple esta función.

Bibliografía

• Alain Foucault y Jean-François Raoult Diccionario de Geología. Masson, 1985.