Piedra (meteorolochía)

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Este articlo tracta sobre o tipo de precipitación que consiste en bolas de chelo u particlas irregulars de chelo. Pa atros emplegos de Piedra adrece-se a la pachina Piedra.

Una particla excepcionalment gran d'una pedregada.

Pedregada en Bogotà, Colombia

Tronada con piedra.

A piedra ye un tipo de precipitación que consiste en bolas de chelo u particlas irregulars de chelo. O proceso u o resultau d'esta precipitación se diz "pedregada". A piedra se produce en tronadas fuertes en as que se producen gotas d'augua sobrefridas, ye dicir, encara liquidas pero a temperaturas por debaixo d'o suyo punto normal de conchelación a 0º Celsius, y se desvién tanto en verano como en hibierno, encara que quan ye més frequent ye en días muito calidos de verano, quan bi ha canicula. L'augua sobrefrida contina en este estau por mancar una particla solida inicial pa inicial o proceso de cristalización. Quan estas gotas d'augua chocan en a nuble con atras particlas cheladas u grans de polvo pueden cristalizar sin dificultat conchelando-sen a escape. En as tronadas més intensas se puet producir precipitación chelada en forma de piedra especialment gran, quan este se forma en o centro de fuertes corrients puyants. En este caso a bola de piedra puet permaneixer més tiempo en l'atmosfera disposando d'una mayor capacidat de creiximiento. S'arriba en l'inte que a piedra ya ye tan gran que l'aire no puet aguantar o suyo peso y caye.

Ditos y mazadas

• «nino, yes peor que una pedregada»

Vinclos externos

• Se veigan as imáchens de Commons sobre Piedra.