Ir al contenido

Piedra (meteorolochía)

De Biquipedia
(Reendrezau dende Pedregada)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo tracta sobre o tipo de precipitación que consiste en bolas de chelo u particlas irregulars de chelo. Pa atros emplegos de Piedra adrece-se a la pachina Piedra.

Una particla excepcionalment gran d'una pedregada.
Pedregada en Bogotà, Colombia
Tronada con piedra.

A piedra ye un tipo de precipitación que consiste en bolas de chelo u particlas irregulars de chelo. O proceso u o resultau d'esta precipitación se diz "pedregada". A piedra se produce en tronadas fuertes en as que se producen gotas d'augua sobrefridas, ye dicir, encara liquidas pero a temperaturas por debaixo d'o suyo punto normal de conchelación a 0º Celsius, y esdevién tanto en verano como en hibierno, encara que cuan ye mes frequent ye en días muito calidos de verano, cuan bi ha canicula. L'augua sobrefrida contina en este estau por mancar una particla solida inicial pa inicial o proceso de cristalización. Cuan estas gotas d'augua chocan en a nuble con atras particlas cheladas u grans de polvo pueden cristalizar sin dificultat conchelando-sen a escape. En as tronadas mes intensas se puet producir precipitación chelada en forma de piedra especialment gran, cuan este se forma en o centro de fuertes corrients puyants. En este caso a bola de piedra puet permaneixer mes tiempo en l'atmosfera disposando d'una mayor capacidat de creiximiento. S'arriba en l'inte que a piedra ya ye tan gran que l'aire no puet aguantar o suyo peso y caye.

Ditos y mazadas[editar | modificar o codigo]

  • «nino, yes peor que una pedregada»[1]

Referencias[editar | modificar o codigo]

  1. (es) Pedro Arnal Cavero: Refranes, Dichos, Mazadas... En El Somontano Y Montaña Oscense, Prames, 2013, ISBN 978-8483213957, p.129

Vinclos externos[editar | modificar o codigo]