Peninsula d'Anatolia
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A peninsula d'Anatolia (d'o griego Aνατολή, anatolé, "o país por a on o sol sale", "orient", en turco anadolu) ye una peninsula en o territorio de l'actual Turquía, en Orient Prosimo, en o continent d'Asia, y que muga a o norte con a mar Negra, a l'este con a cordelera d'o Tauro y a cordelera d'o Antitauro, a o sud con a mar Mediterrania y a l'ueste con a mar Mediterrania, a mar Echea y a mar de Marmara. Ye deseparata d'Europa por o estreito d'os Dardanelos y por o estreito d'o Bosforo. Actualment se corresponde, alto u baixo, con o territorio turco en Asia, ye decir, o 97% d'a superficie d'o país, estando l'atro 3% en Tracia Oriental, en a parte europea de Turquía.
D'antis mas, en l'antiga Grecia, se deciba Asia a l'Anatolia, por ixo, en estendillar-se o nombre a o continent, se li deciba tamién Asia la menor.
En aragonés medieval recibió as denominacions d' Asia la Chica ("Libro d'o Trasoro") y Asia la Menor ("Libro d'as Maravillas d'o Mundo"). A denominación de Natoliu ("Cronica de Morea") probablement corresponda a l'antigo thema d' Anatolikon influenciato por l'antroponimo Ανατολιος (Anatolio-s).
