Pedro Arrojo Agudo

De Biquipedia
(Reendrezato dende Pedro Arrojo)
Ir a la navegación Ir a la búsqueda
Pedro Arrojo
Pedro Arrojo en o Foro Alternativo Mundial de l'Agua de 2012
Pedro Arrojo en o Foro Alternativo Mundial de l'Agua de 2012
Información personal
Calendata de naixencia 1951
Puesto de naixencia Flag of Spain.svg Madrit, Espanya
Ocupación scientifico, profesor d'a Universidat de Zaragoza y politico.

Pedro Arrojo Agudo (Madrit,1951) ye un profesor d'a Universidat de Zaragoza, doctor en Fisicas e investigador d'a economía de l'augua.[1]

Actualment ye profesor emerito d'o Departamento d'Analís Economico y diputau con o partito politico Podemos en o Congreso d'os Deputados por a provincia de Zaragoza.

Biografía[editar | editar código]

Naixito de Madrit, se crió en Granada y se tresladó a vivir ta Zaragoza en 1970 ta seguir os estudeos de Fisicas, a on se doctoró con una tesi sobre mecanica de fluyitos. [2] En la dita universidat, ha estau vicedecano d'a Facultat d'Economicas e Interpresarials, delegato d'o retor en o Centro de Calculo y vicerretor.

A suyas rechiras están centradas, dende fa 15 anyadas, en a economía de l'agua.[3]

Actualment ye profesor emerito d'o Departamento d'Analís Economico y diputau con o partito politico Podemos en o Congreso d'os Deputados por a provincia de Zaragoza.

Nueva cultura de l'augua[editar | editar código]

La nueva cultura de l'agua [4] ye un concepto lanzau dende los movimientos socials de Zaragoza, d'an surche la Fundación Nueva Cultura de l'Agua (FNCA) y d'a quala Pedro Arrojo ye fundador. Los obchectivos d'a fundación son o fomento d'iniciativas de I+D, educación, cooperación ta o desarrollo y defensión d'o meyo ambient, relacionaus con l'augua.

Premio Goldman[editar | editar código]

Nyudo. Símbol usau contra o Plan Hidrolochico Nacional.

Arrojo recibió lo Premio Goldman de Meyo Ambient en a categoría Europa, [5] [6] [7] por haber sabiu conchugar o suyo saber y fer profesionals con o compromís social, dende la no violencia, en favor d'o meyo ambient y d'o desarrollo sostenible. Asinas l'ha feito en a suya luita frent a lo Plan Hidrolochico Nacional de 2001 presentau por o segundo gubierno de Jose María Aznar, que finalment aturó José Luis Rodríguez Zapatero.

Lo premio s'atorga anyalment a seis personas de diferents rechions d'a planeta, que s'han distinguiu por as suyas actividatz en favor d'a conservación d'o meyo ambient. La ceremonia d'entrega se celebró en o War Memorial Opera House de San Francisco (California) o 14 d'abril de 2003. Lo churau le reconoixió por levar a campanya contra o Plan Hidrolochico Nacional, que quereba fer más entibos y tresvases d'aguas d'os zaguers ríos de fluixo libre que remanen en Espanya, por treballar por un futuro d'agua sostenible, alazetau en a conservación, o reciclache y en alternativas más intelichents ta l'agricultura.

Chuntas Podemos[editar | editar código]

Miembro de Puyalón, partito que alcuerda presentarse con a coalicición Chuntas Podemos en as eleccions chenerals de 2016, encabezó a lista a lo Congreso d'os Deputatos por a provincia de Zaragoza, estando esleyito diputau.[8]

Vinclos externos[editar | editar código]

Referencias[editar | editar código]

  1. Archivo Ecodes (Ecología y Desarrollo): 'Pedro Arrojo Agudo' [1] consulta 4/12/2015
  2. The Goldman Environmental Prize: 'Pedro Arrojo Agudo' [2] consulta 4/12/2015
  3. Pedro Arrojo, Crisis global del agua: valores y derechos en juego, Barcelona, Cristianisme i Justícia, 2010.
  4. El País, [3] consulta 3/12/2015
  5. Charrada en recullir o premio, consulta 3/12/2015.
  6. Pachina oficial The Goldman Environement Prize consulta 3/12/2015.
  7. Articlo en La Voz de Galicia, consulta 3/12/2015
  8. (es)Puyalón de Cuchas se desvincula de Podemos tras los incumplimientos políticos en Chuntas Podemos.