Congreso d'os Deputaus

De Biquipedia
Ir a la navegación Ir a la búsqueda
Congreso d'os Deputaus
Congreso de los Diputados
Coat of Arms of the Congress of Spain.svg
Congreso de los diputados, Madrid España.jpg
Anvista d'a frontera prencipal
Información d'o cambra baxa d'as Cortz Chenerals
Establito 29 d'aviento de 1978
Churisdicción Flag of Spain.svg Espanya
Seu Palacio d'as Cortz
Carrera de San Jerónimo, s/n
Madrit, Espanya

40°24′59″N 03°41′48″U
Presidenta Meritxell Batet
Pachina web
congreso.es

O Congreso d'os Deputaus (Congreso de los Diputados en castellán y oficialment) ye a cambra baxa d'as Cortz Chenerals, l'organo constitucional que representa a o pueblo espanyol. A Constitución Espanyola de 1978 estableixió una organización bicameral d'as Cortz Chenerals (Congreso y Senau), as quals eixerzen a potestat lechislativa de l'Estau, apreban os presupuestos, controlan l'acción d'o Gubierno y tienen atras competencias que l'atorga a Constitución.

Seguntes a Lei Organica 5/1985, de 19 de chunio, d'o Rechimen Electoral Cheneral, ye compuesto d'un minimo de 300 y un maximo de 400 deputaus, eslechitos por sufrachio universal, libre, directo y secreto, en os termins que estableixe a lei[1]. As eslecions se celebran ordinariament cada quatro anyos, o antis en caso d'esleicions dimpués d'una disolución anticipada d'as Cambras. Os miembros d'o Congreso d'os Deputaus s'eslichen meyant representación proporcional con listas zarradas en cada circunscripción electoral d'alcuerdo con o sistema D'Hondt.

Os deputaus d'o Congreso se trestallan en Grupos Parlamentarios, que en a practica se corresponden con os diferents partius politicos fueras d'o Grupo Mixto, que chunta a os partius que no cumplen os requisitos ta constituir Grupo Parlamentario propio. Actualment o grupo con más deputaus ye o Partido Socialista Obrero Español con 120 y amás bi ha treze partius politicos con representación parlamentaria.

O Congreso s'achunta en o Palacio d'as Cortz, trobau en a plaza d'as Cortz de Madrit. A lo largo de l'anyo, o Congreso s'achunta ordinariament de setiembre a aviento y de febrero a chunio, encara que pueden estar sesions extraordinarias a lo largo de tot l'anyo.

L'actual lechislatura d'o Congreso ye a XIV lechislatura y a suya presidenta ye Meritxell Batet dende o 21 de mayo de 2019.

Referencias[editar | modificar o codigo]

Veyer tamién[editar | modificar o codigo]

Vinclos externos[editar | modificar o codigo]