Ir al contenido

Pavlova (postre)

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Pavlova

Tipica Pavlova con magorías, fruita d'a pasión, kiwi y nata
Orichen cheografico
Cocina: Gastronomía d'Australia
Gastronomía de Nueva Zelanda
Orichen: Australia
Nueva Zelanda
Se mincha en: Australia y Nueva Zelanda
Categoría: Postre
Elaboración
Ingredients: Uevos, zucre, nata, fruitas

Pavlova ye un postre feito a base de merengue y dito asinas por a bailarina rusa Anna Pavlova.[1] Ye un postre de merengue con una crosta por a suya parti exterior, suau y blando por l'interior y adornau por un regular con fruita y nata.[2] O nombre ye pronunciau en anglés /pævˈloʊvə/, u como o nombre d'a bailarina, que yera /ˈpɑːvləvə/.[3][4][5]

Se creye que o postre fue creyau en honor d'a bailarina mientres u dimpués d'una d'as suyas chiras por Australia y Nueva Zelanda en os anyos 1920.[2] A nacionalidat d'o suyo creyador ha estau obchecto de debate entre os dos países mientres muitos anyos. En 2008, Helen Leach publicó The Pavlova Story: A Slice of New Zealand's Culinary History, en que argumentaba que a primera receta conoixida fue publicada en Nueva Zelanda.[2] Un estudio posterior d'Andrew Wood y Annabelle Utrecht sucheriba que o postre s'orichinó en os Estaus Unius y que teneba como base un plato alemán.[6]

Iste postre ye un plato popular y una parte important d'a gastronomía nacional tanto d'Australia como de Nueva Zelanda, y debiu a que a suya receta ye prou simpla, se sirve por un regular en birollas de celebración y cabos d'anyo. Ye un postre que s'identifica prou con a temporada de verano y ye popular minchar-ne Nadal, manimenos se mincha tamién mientres tot l'anyo en as casas d'Australia y Nueva Zelanda.[2]

Referencias[editar | modificar o codigo]

  1. (en) Boylen, Jeremy (reporter) (2004-08-20).Pavlova George Negus Tonight, Australian Broadcasting Corporation.
  2. 2,0 2,1 2,2 2,3 (en) , Helen (2008), The Pavlova Story: A Slice of New Zealand's Culinary History, Otago University Press. ISBN 978-1-877372-57-5.
  3. (en) Macquarie Dictionary, Fourth Edition (2005). Melbourne, The Macquarie Library Pty Ltd. ISBN 1-876429-14-3
  4. Orsman, H.W. (ed.) (1979) Heinemann New Zealand dictionary. Auckland: Heinemann Educational Books (NZ)
  5. (en) Dictionary.com, "pavlova", in Dictionary.com Unabridged (v 1.1). Source localización: Random House, Inc. http://dictionary.reference.com/browse/pavlova. Available: http://dictionary.reference.com.
  6. (en) "Pavlova research reveals dessert's shock origins". http://www.goodfood.com.au/good-food/food-news/pavlova-research-reveals-desserts-shock-origins-20151010-gk5yv9.html. Retrieved 2015-10-31.