Fueros d'Aragón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Os Fueros d'Aragón son o conchunto de normas que rechiban en l'administración de chusticia y en l'actividat privata d'o reino d'Aragón, dende a primera compilación de fueros locals feita por o Bispe de Uesca, Vidal de Canellas.

Enantes d'o reinato de Chaime I en o territorio aragonés i heba bels fueros como por eixemplo o de Chaca, o de Zaragoza y o de Teruel.

O Fuero de Chaca yera o mes antigo, o Fuero de Teruel yera una adaptación d'o fuero de Sepulvega, adecuato pa una tierra d'estremadura u muga. O fuero de Zaragoza yera o mes estendillato (e lo heban preso lugars e ciudaz reconqueritas en l'actual provincia de Castellón) y como ciudat prencipal d'Aragón recibiba ya o nombre de Fuero d'Aragón.

Estió en la anyada de 1247 cuando lo rei Chaime I d'Aragón convocó Corz Chenerals d'o Reino en Uesca con a intinción de continar a obra lechisladora d'a Corona y replegar en un solo documento as normas que heban de rechir l'actividat privada y l'administración de chusticia. Os nombratos por os distintos Concellos apreban allora os Fueros d'Aragón sobre la base d'a obra churidica anterior realizata por o Bispe de Uesca, Vidal de Canellas que reculle una parti important d'os fueros locals en un texto romanz conoixito como Vidal Mayor.

En o Privilechio Reyal de 1283, Pero III d'Aragón hemologa os fueros y a suya aplicación s'estendilla a tot o Reino.

Os fueros en o suyo orichen yeran pactatos, isto ye, fruito d'una aportación común d'os Concellos a los cuals o Rei daba a suya aprebación. En un primer inte se relegoron y plegaron a tener dica doce libros en as revisions de 1496, 1517 y 1542. En 1552 se realiza una gran refundición, encluindo as Observanzas. A zaguera faina de replega se'n fa en 1667. A faina de codificación se veyió superata en muitos intes por as normas que dictaban as propias Corz d'Aragón y que se encorporaban como parti d'as normas churidicas d'o Reino.

L'aplicación d'os fueros eslangueixe a radiz d'a muerte de Chuan de Lanuza, Chusticia d'Aragón, ordenata por Felipe II ta eliminar a formula de l'alcuerdo como base de redacción d'os fueros. En 1592, as Corz aragonesas se reúnen en Tarazona y modifican sustancialment as normas. Dende iste inte será o Rey qui diga o contenito. A unificación con Castiella rematará con o dreito local: En 1707, Felipe V abolió os fueros con a establimiento d'os Decretos de Nueva Planta que nomás deixan en un puesto segundario a los viellos fueros en a regulación de cuestions particulars.

Datos: Q3077707