O Elsón (municipio)

De Biquipedia
(Reendrezau dende Olsón (municipio))
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo tracta sobre l'antigo municipio d'o Elsón. Ta atros articlos que contienen «o Elsón» en ista Biquipedia, se veiga O Elsón (desambigación).
O Elsón
Antigo municipio d'Aragón
Entidat
 • País
 • Provincia
 • Comarca
Antigo municipio
 Aragón
 Uesca
Sobrarbe
Capital O Elsón
Municipio actual L'Aínsa-Sobrarbe
Población
 • Total

199 hab. (1960)
Altaria
 • Meyana

686 m.
Distancia
 • 95 km

enta Uesca
Parroquial
 • Diocesi
 • Arcipestrau

Uesca
Semontano-Sobrarbe
Coordenadas
O Elsón ubicada en Aragón
O Elsón
O Elsón
O Elsón en Aragón

O Elsón (oficialment, en castellano, Olsón[1]) ye un municipio desapareixiu d'Aragón, en o extremo sud de o que en l'actualidat ye a comarca de Sobrarbe, en a provincia de Uesca.

Prene o nombre d'o principal nuclio de población, O Elsón, que en fue a capital. Se o documenta dende a constitución d'os primers achuntamientos modernos en 1834 dica as zaguerías de os anyos 1960, cuan se fusionó con uns atros 3 municipios ta formar l'achuntamiento d'Alto Sobrarbe.

En l'actualidat, o suyo termino municipal y os nuclios de población que o formaban son integraus en l'extenso municipio de l'Aínsa-Sobrarbe.

Localización[editar | modificar o codigo]

O municipio arreplegaba tres nuclios: O Elsón, que exerciba como capital, Chabierre d'o Elsón y Mondot. O termin municipal teneba o río Susía como muga por o Norte, con o vecino achuntamiento de Castillón de Sobrarbe, y s'extendillaba por as garras de a sierra de Sant Benedet, en o cuadrant a l'ueste d'a Cinca que se conoix como o Viello Sobrarbe.

Por en sud, l'augua-batient de a sierra marcaba la muga con o municipio de Naval y con o de Suelves. Por l'este, teneba un limite municipal con o municipio d'Escaniella y Lamata, por a part de o nuclio de Lamata, y por l'ueste a muga yera con o municipio d'Eripol. En l'actualidat, Suelves y Eripol se troban integraus en o municipio de Barcabo, Lamata y Escaniella en o de l'Abizanda, y os nuclios de Castillón de Sobrarbe en o de l'Aínsa-Sobrarbe.

Historia[editar | modificar o codigo]

A fusión d'iste municipio con Arcusa, Sasa de Surta y Santa María de Buil s'ha d'enmarcar en as fusions municipals de finals d'os anyos 1960 y comienzos d'os 1970 en Espanya, una onda de fusions de municipios chicorrons ta formar-ne uns atros nuevos, consecuencia de una reforma en a lechislación de as Cortes franquistas que pasón a dexichir que muitos d'os servicios publicos (iluminación publica, residuos, cloacas, pavimentación de as carreras, etc.) es asumisen os achuntamientos.

O municipio resultant d'ixa fusión, Alto Sobrarbe, subsistió 12 anyos, dica que se tornó a fusionar, ista vegada con l'Aínsa, ta formar o municipio de l'Aínsa-Sobrarbe.

Demografía[editar | modificar o codigo]

Evolución demografica
1362 f 1495 f 1842 1857 1860 1877 1887 1897 1900
- - 520 358 435 361 412 328 315

1910 1920 1930 1940 1950 1960 1970 1981 1991
349 288 312 262 234 199 - - -

2012 2013 2014 2015 2016 2017 2018 2019 2020
- - - - - - - - -

2021 2022 2023 2024 2025 2026 2027 2028 -
- - - - - - - - -

 1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Evolución d'a población d'o Elsón dende 1857.

Se veiga tamién[editar | modificar o codigo]

Referencias[editar | modificar o codigo]