Odonata

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Odonata
Clasificación cientifica
Animalia
Arthropoda
Insecta
Odonata

Os odonatos (Odonata, d'o griego οδοντός odontos, "dient") son un orden de insectos con alto u baixo 6.000 especies actuals, que incluye formas tan conoixitas como os rodiabalsas. Os adultos amuestran un aspecto muit caracteristico, con una cabeza mas ampla que a resta d'o cuerpo, un abdomen largo y delgau y cuatro alas membranosas transparents. Viven asociaus a ambients acuaticos, que lis son necesarios ta lo desembolique d'as suyas nimfas; no tienen fase de pupa y por tanto a suya metamorfosi ye simpla (hemimetabolía).

Os odonatos, de conchunta con os efemeropteros, formaban l'antigo grupo d'os paleopteros, caracterizaus por no poder plegar as alas sobre l'abdomen; seguntes a sistematica cladistica, os grupos parafiléticos no son acceptables, por o que tienden a albandonar-se.

Caracteristicas[editar | modificar o codigo]

Os odonatos poseyen una ampla cabeza con dos grans uellos composaus que pueden ocupar cuasi toda a cabeza y dos antenas muit curtas. As piezas bucals, bien desembolicadas, son de tipo mastegador, con unas grans variellas.

O tórax ye gran y globoso, con o mesotórax y o metatórax soldaus entre él (sintórax); as patas son robustas y poseyen numerosas espinas, y las usan pa cazar insectos a vuelo, formando con ellas una especie de cesta; as alas son membranosas, largas y estreitas, con una nerviación complexa y reticulada, y una taca característica amán d'o ápice (pterostigma).

Biolochía y ecolochía[editar | modificar o codigo]

Tanto os adultos como as nimfas son predadors; os adultos capturan atros insectos a o vuelo y as nimfas s'alimentan d'invertebraus y de chicoz vertebraus acuaticos (cullaretas, chicoz peixes). Os odonatos viven entre un y seis meses.[1]

A suya reproducción ye exclusivament sexual; l'apareamiento s'escayece a sobén mientres o vuelo; dimpués, a fembra encieta a mesa d'os uegos en l'augua; o desembolique postembrionario pasa por una fase de neanida seguida d'una fase de nimfa que sufre cuantas mudas antes d'aconseguir o estau adulto. A nimfa albandona l'augua ta realizar a suya metamorfosi; con frecuencia puya en os tallos de plantas, penyas u depositos d'augua, an remaneixen immobils dica que emerche l'adulto.

Ye frecuent que os machos esfiendan un territorio d'a on que fan fuera a cualsiquier intruso; cualques fembras tamién fan fuera a atras fembras d'o suyo territorio. Os masclos realizan una aturada nupcial, con un vuelo ondulant, puyando y baixando, para atrayer a la fembra y, posteriorment, toz realizan un vuelo nupcial.

Filogenia y clasificación[editar | modificar o codigo]

Os odonatos s'han subdividiu tradicionalment en dos subórdens:

  • Anisoptera, con alas desiguals, estando as posteriors mas grans que as anteriors; en reposo, as alas se disposan de traza horizontal transversal (perpendiculars a o cuerpo).
  • Zygoptera, con alas anteriors y posteriors muit semellants; en reposo, as alas se mantienen chuntas lonchitudinalment.

Referencias[editar | modificar o codigo]

  1. Blas, M. et al., 1987. Artròpodes (II). Història Natural dels Països Catalans, 10. Enciclopèdia Catalana, S. A., Barcelona, 547 pp.