Nuuk

De Biquipedia
Nuuk
Localidat de Gronlandia
Bandera Escudo d'armas
Nuuk city below Sermitsiaq.JPG
Anvista de Nuuk.
Estau
 • Municipio
Flag of Greenland.svg Gronlandia
Sermersooq
Superficie 690 km²
Población
 • Total

16454 hab. (2013)
Altaria
 • Meyana

m.
Codigo postal 3900
Coordenadas
Nuuk ubicada en Gronlandia
Nuuk
Nuuk
Nuuk en Gronlandia
Web oficial

Nuuk (l'antigo nombre en danés yera Godthåb) ye una ciudat de Gronlandia, estando a suya capital y a más, a suya ciudat mas poblada.[1]

Nuuk contiene quasi un tercio d'a población de Gronlandia y lo suyo edificio mas alto. Nuuk ye tamién a seu d'o gubierno d'o municipio de Sermersooq. En chinero de 2021, teneba una población de 18.800 habitants.

A ciudat estió fundada en 1728 per o gubernador dano-noruego Claus Paarss quan tresladó l'anterior Colonia d'a Esperanza d'Hans Egede (Haabets Koloni) enta lo continent y estió nombrada Godthaab (Buena Esperanza). Nuuk ye a palabra gronlandesa pa cabo (en danés: næs) y se troba comunament en os toponimos de Gronlandia. Se diz asinas per a posición a la fin d'o fiordo Nuup Kangerlua en a costa este d'a Mar de Labrador. A suya latitut, 64° 11'N, a convierte en a capital mas septentrional d'o mundo, nomás uns poquetz kilometros mas a lo norte que a capital islandesa, Reykjavík. Quan s'estableció l'autogobierno en 1979, l'autorización d'os nombres de puestos se transfirió a las autoridatz de Gronlandia, que posteriorment prefirioron os nombres de Gronlandia a los daneses. Asinas, lo nombre Godthåb deixó de fer-se servir mientres os siguients dos decenios.

Clima[editar | modificar o codigo]

Nuuk tien un clima de tundra d'influxo maritimo con hibiernos fredos, largos y nevaus y veranos frescos y curtos. Encara que los hibiernos en Nuuk son relativament fredos, son mas suaus en comparanza con atros climas de tundra, como en Alaska en os Estaus Unius u partis de l'este de Siberia. Lo 21 d'aviento, o día mas curto y a nueit mas larga de l' anyo, o sol sale a las 10:30 a.m. y se mete a las 2:20 pm. Per contra, en o día mas luengo y a nueit mas curta de l'anyo, o 21 de chunio, raya l'alba a las 2:54 a.m. y no se fa de nueitz dica as 12:04 a.m., lo que da un quasi sol de meyanueit. Os promedios mensuals oscilan entre -7,5 °C y 8 °C , mientres que os extremos historicos oscilan entre -32,5 °C o 14 de chinero de 1984 y 26,3 °C o 6 de chulio de 2008. L'aire récord en Nuuk ye de 68 km / h.

A temperatura meya mensual de 7,3 °C en agosto ye mas freda que lo que se considera la buega pa os árbols (10 °C mientres o mes mas calido). Asinas, i hai qualques árbols plantaus que no se sostienen bien.

As precipitacions anyals son de 831,6 mm, a mayoría d'as qualas en forma de nieu. Lo mes mas ixuto ye chinero, con 42,1 mm mensuals, y lo mas humido ye agosto, con 87,6 mm.

Referencias[editar | modificar o codigo]

  1. (en) Nuuk en o diccionario Merriam-Webster

Vinclos externos[editar | modificar o codigo]