Boira (nuble)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Boiras

Una boira u nuble ye una masa visible formata por cristals de nieu o gotas d'augua penchatas en l'atmosfera. As boiras dispersan toda a luz visible, y por ixo se veyen blancas. Manimenos, a vegatas son masiau gordas u densas como ta que a luz las trescruce, y se veyen grisas u encluso negras, se'n gosa dicir boirons.

Tipos y clasificación d'as boiras

Boira seca

Cumulos

A clasificación d'as boiras se fa d'alcuerdo a las suyas caracteristicas visuals por a Organización Meteorolochica Mundial y viene recullita en o International Cloud Atlas (Atlas de Boiras Internacional).

Os nombres oficials d'os diferents tipos de boiras son en latín. Bi ha tres cheneros (genera) prencipals:

• Cumulos (Cumulus): boiras de desarrollo vertical
• Estratos (Stratus): nubles estratificatas.
• Nimbos (Nimbus): nubles capables de formar plevia.

Os grupos anteriors se troban en boiras de tipo baixo, meyo u alto, y de desarrollo vertical, clasificando-sen en 9 tipos.

Nubles verticals Familia D

Cumulonimbus u boira grasa, amostrando cerenyas corrients de puyada

Istas boiras gosan tener corrients de puyada cerenas, creixen muito dende la suya base y se forman a grans altarias.

• Cumulonimbus ligatas plebidas y tronadas, se'n diz boira grasa (Cb)
• Cumulonimbus incus
• Cumulonimbus calvus
• Cumulonimbus con mammatus
• Cumulus congestus
• Pyrocumulus

Nubles baixas Familia C

A menos de 2 km

• Stratus (St)
• Nimbostratus (Ns)
• Cumulus humilis (Cu)
• Cumulus mediocris (Cu)
• Stratocumulus (Sc)
• Cumulus
• Cumulonimbus

Nubles meyas Familia B

De 2 a 5 km

• Nimbostratus
• Altostratus (As)
• Altostratus undulatus
• Altocumulus (Ac)
• Altocumulus undulatus
• Altocumulus caballa
• Altocumulus castellanus
• Altocumulus lenticularis

Nubles altas Familia A

A mas de 5 km

• Cirrus (Ci)
• Cirrus uncinus
• Cirrus Kelvin-Helmholtz
• Cirrostratus (Cs)
• Cirrocumulus (Cc)
• Pileus
• Trazau d'avión, una boira muy delgada, desarrollata por o paso d'una aeronau a altarias altas.

Denominacions tradicionals

En os textos medievals pareix que distingan por una part nuble y por atra boira, pero o cierto ye que en l'Alto Aragón actualment o termin boira a part de referir-se a la boira a ran de tierra tamién se puet fer servir como contable y d'esta traza sinonimo de nuble referindo-se a la manifestación en altura d'augua condensada. Un libro medieval a on podemos leyer muitas vegadas nuble ye o "Libro d'as Marabillas d'o Mundo":

Et si vee hombre en aquella tierra el mont Athlan qui es en medio las nubles do hombre no puede acercar

antes es el ayre puro et limpio; por esto y ha ailli de buenos astrologos, car eillos non troban ninguna nuble qui los empasche. Item la cibdat del Caire es mas grande que la Babilonia: et esta assentada...

Torrollón ye en Cinco Villas una nuble blanca y densa. A palabra torrollón, igual que as variants torrellón y turrillón significa en aragonés bella cosa como "torre mal feita", "torre chicota". En o catalán tortosín d'o Matarranya y Catín un torrelló ye una nuble mes alta que ampla, piramidal u tronco-conica, densa que indica que ploberá. Talment correspondan con o termin cumulus u por lo menos a los cumulonimbus.

Os cillos talment correspondan a los cirrostratus, a boira seca u as cerpetas corresponden a los estratus.

• Datos: Q13048541