Negra
![]() |
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Una nota negra ye o simbolo emplegato ta indicar un sonito con una durada d'un tiempo. Corresponde a la quatrena parti d'una nota redonda. A negra ye un ovalo coloreyato de negro (d'aquí o suyo nombre), d'a quala sale una linia recta vertical, sin dengún adorno. O suyo silencio equivalent ye o silencio de negra que significa que mientres un tiempo no se fa sonito.
A ilustración amuestra dos negras y un silencio de negra. A dirección d'a barra vertical pende d'a posición d'a nota adintro d'o pentagrama. Dende a tercera linia entalto a negra se representa con o palo entabaixo salindo dende a ezquierda d'a capeza d'a negra. Ta negras situatas por debaixo d'a tercera linia d'o pentagrama, o palo se coloca entalto salindo d'a dreita d'a capeza d'a negra. Ista regla no ye, manimenos, absoluta, podendo variar quan sía menester ligar notas u quan bi ha más d'una voz.
En qüestions de ritmo, a negra gosa estar o patrón emplegato ta la mayoría d'as piezas. Os compases "por quatre" (tres por quatre, dos por quatre, quatre por quatre, ...), en os que a negra dura un tiempo d'o compás son, por un regular, os más emplegatos. A metrica d'una obra musical gosa estar marcata en "negras por menuto".