Cumulonimbus

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Cumulonimbus capillatus incus con forma d'inclusa

Os cumulonimbus son nubles con gran desembolique vertical que por dentro son formatas por una columna d'aire calido y humido que puya como un revolvín con sentito antihorario en o hemisferio norte y horaria en o hemisferio sud. A suya base gosa trobar-se a menos de 2 km d'altura, pero o suyo cabalto puet plegar a uns 12 u 20 km d'altaria. Estas nubles gosan producir plevias intensas y tronatas electricas, especialment cuan son desembolicatas de tot. A suya abreviadura ye Cb.

O cumulonimbus (Cb) ye un tipo de nuble de desembolique alto, dendo, con tronata y mal orache. Se pueden formar aislatament, en grupos, u en a linia d'inestabilidat d'un frent fredo. Os cumulonimbus se forman a partir de nubles tipo cumulus.

En aragonés y en part d'o catalán occidental os cumulonimbus deben corresponder a los torrellons por o menos parcialment. Por eixemplo en catalán la trobamos en o lexico de Catín dan a definición de Núvols grossos de desenvolupament vertical que porten tronades, llamps i trons i forta pluja. En o lexico de Figueruelas dan a definición de "cumulonimbus", núvols que porten pluja. En puestos on se parla castellano pero se charró aragonés en o pasato podemos trobar Torrellón y variants en Cinco Villas y Torrojones en Fuent Ferrada.