Mona Lisa Smile

Mona Lisa Smile
Títol	Mona Lisa Smile
Ficha tecnica
Dirección	Mike Newell
Dirección artistica	Patricia Woodbridge
Producción	Elaine Goldsmith-Thomas Deborah Schindler Paul Schiff
Disenyo de producción	Jane Musky
Guión orichinal	Lawrence Konner Mark Rosenthal
Musica	Rachel Portman
Fotografía	Anastas N. Michos
Montache	Mick Audsley
Escenografía	Susan Bode Chris Nickerson
Vestuario	Michael Dennison
Casting	Ellen Chenoweth Susie Farris
Actors	Julia Roberts Kirsten Dunst Julia Stiles Maggie Gyllenhaal Juliet Stevenson Dominic West Ginnifer Goodwin Topher Grace John Slattery Marcia Gay Harden Jordan Bridges Marian Seldes Donna Mitchell Terence Rigby Laura Allen Tori Amos Emily Bauer Lisa Roberts Gillan Annika Marks Ebon Moss-Bachrach Lily Rabe Krysten Ritter
Color	Color by DeLuxe Panavision
Datos y cifras
País(es)	Estaus Unius
Anyo	2003
Debantadera	19 d'aviento de 2003 Estaus Unius
Chenero(s)	Cine de drama
Durada	119 min.
Idioma(s)	Anglés Italiano
Companyías
Productora(s)	Columbia Pictures Revolution Studios Red Om Films Productions
Distribución	Sony Pictures Releasing
Presupuesto	72,3 millons de dólars
Recauto	141,3 millons de dólars
Informacions en bases de datos especializadas:

Mona Lisa Smile (títol orichinal en |anglés, en aragonés A risilleta de Mona Lisa, enguerada en Aragón con o suyo títol traduciu enta lo castellano como La sonrisa de Mona Lisa) ye una cinta de cine de drama de cine estausunidense enguerada l'anyo 2003, dirichida por Mike Newell seguntes un guión orichinal de Lawrence Konner y Mark Rosenthal, con una banda sonora orichinal de Rachel Portman, una dirección de fotografía d'Anastas N. Michos, una producción cinematografica d'Elaine Goldsmith-Thomas, Deborah Schindler y Paul Schiff ta las productoras Columbia Pictures, Revolution Studios y Red Om Films Productions, y que conta con un elenco d'o cual en fan parte, entre d'atros actors, Julia Roberts, Kirsten Dunst, Julia Stiles, Maggie Gyllenhaal, Juliet Stevenson, Dominic West, Ginnifer Goodwin, Topher Grace, John Slattery, Marcia Gay Harden, Jordan Bridges, Marian Seldes, Donna Mitchell, Terence Rigby, Laura Allen, Tori Amos, Emily Bauer, Lisa Roberts Gillan, Annika Marks, Ebon Moss-Bachrach, Lily Rabe y Krysten Ritter.

O títol d'a cinta fa referencia la famosa risilleta a un cuadro de Leonardo da Vinci, A Gioconda, dita popularment Mona Lisa (una imachen d'o cuadro amanixe en a cinta), y a la canción Mona Lisa cantada por Nat King Cole pero versionada ta la cinta por Seal. Antiparte, Julia Roberts recibió 25 millons de dólars por a suya interpretación, estando asinas o mayor salario percibiu por una actriz por a suya interpretación en una cinta dica l'inte.

En a cinta se conta la historia de Katherine Ann Watson, una choven de 30 anyadas de California que plega en o Wellesley College de Wellesley (Massachusetts) como profesora d'Historia de l'Arte en l'anyo 1953 y troba un conchunto d'alumnas muit bien preparadas intelectualment pero presoneras d'una mentalidad extremadament conservadora que las educa ta pensar nomás que en o matrimonio, en tener fillos y en cudiar, subordinadas, a su mariu. Katherine preba d'ubrir os suyos uellos no nomás que a l'arte moderno so que tammién a una atra visión alternativa y muito mas moderna d'o papel d'a muller en o mundo, trobando-se con a incomprensión no nomás que d'os dirichenz d'a universidat so que tamién de bellos d'os profesors d'o centro y mesmo de parte d'as alumnas.

A cinta s'ambienta en l'anyo 1953 en Wellesley (Massachusetts) y las suyas escenas se filmoron en a mesma universidat a on s'escayece la trama argumental d'a cinta en Wellesley (Massachusetts), en Glen Ridge (Nueva Jersey), en New Haven (Connecticut), en Oakland y San Francisco (California), en Parker y en Nueva York, Putnam Valley, Tarrytown y Yonkers (Nueva York) entre lo 30 de setiembre de 2002 y chinero de 2003.

Mona Lisa Smile ha recibiu bellas nominacions a bels premios cinematograficos, en destacando una nominación a los Premios Globos d'Oro a la Millor Canción Orichinal en a suya 61^ena edición, ta la canción The Heart of Every Girl, d'Elton John y Bernie Taupin.

Elenco

Actor	Papel	Notas
[[]]	'

Se veiga tamién

• Cine en 2003.
• Cintas de 2003.

Vinclos externos

• (en) Mona Lisa Smile en Internet Movie Database.
• (en) Mona Lisa Smile en TCM Movie.
• (en) Mona Lisa Smile en AllMovie.
• (en) Mona Lisa Smile en Box Office Mojo.
• (en) Mona Lisa Smile en en Rotten Tomatoes.

• Datos: Q642546