Miramont (Sigüés)

Iste articlo ye sobre un lugar aragonés en a comarca d'a Chacetania; t'atros usos, se veiga Miramont.

Miramont
Localidat d'Aragón
Entidat  • País  • Provincia  • Comarca  • Municipio	Lugar Aragón  Zaragoza Chacetania Sigüés
Codigo postal	50682
Ríos	Río Aragón

Miramont (Miramonte en castellán) ye un lugar aragonés en o termin municipal de Sigüés, comarca de Chacetania y partito chudicial d'Exeya d'os Caballers, en a provincia de Zaragoza.

Cheografía

Miramont ye situato en a carretera N-240, en a marguin norte d'o río Aragón, debant de Mians y Artieda.

Etimolochía

Miramont significa en aragonés "puesto encarato enta o mont", "puesto dende on se veye bien o mont".

Historia

O lugar fue clamato en os primers tiempos d'a Reconquiesta Ologasti, identificato con Oloast, donde os roncaleses redotoron a os musulmans, seguntes Alberto Cañada Juste en a suya obra La campaña musulmana de Pamplona. Año 924 (Pamplona, 1976).

Seguntes Agustín Ubieto Arteta, a primera cita d'o lugar ye en 970/994, seguntes Antonio Ubieto Arteta diz en Cartulario de San Juan de la Peña (Textos medievales 6, Valencia 1962); con as formas Miramón y Miramont.

En o sieglo XI, o monesterio de Leire pretendió apropiar-se-ne, chunto con Mians, con un documento falsificato. Sindembargo, o monesterio teneba as tercias episcopals.

Bibliografía consultata

(es) Fortún Pérez de Ciriza, Luis Javier: Leire, un señorío monástico en Navarra (siglos IX-XIX), Gubierno de Navarra, 1994, Pamplona, 930 pachinas, ISBN 84-235-1189-8