Miguel VIII Paleologo

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Miguel VIII Paleologo
Emperador de l'Imperio Bizantín
Emperador de l'Imperio Bizantín
1261-1282
Predecesor	Chuan IV Ducas Lascaris
Succesor	Andronico II Paleologo
Naixencia	1224 Imperio de Nicea
Muerte	11 d'aviento de 1282 Constantinoble (Imperio Bizantín)
Descendencia	Andronico II Paleologo Constantín Paleologo Irene Paleolochina Eudoxia Paleologa María Paleologo
Dinastía	Dinastía d'os Paleologos
Pai	Andronico Ducas Comneno Paleologo
Mai	Teodora Angelina Paleologa

Miguel VIII Paleologo, naixiu de bell puesto de l'Imperio de Nicea en l'anyo 1224 morió en Costantinoble l'11 d'aviento de 1282. Estió o primer emperador d'a dinastía d'os Paleologos de l'Imperio Bizantín. Estió emperador de Nicea dende 1259 dica 1261 y emperador de Bizancio dende 1261 dica 1282.

O 21 de chulio de 1261 as tropas de Miguel Paleologo prenioron Costantinoble y facioron fuyir a Balduín II ta Occident, feito que se considera como una reconstrucción de l'Imperio Bizantín u Imperio Romano d'Orient. Miguel Paleologo esdevinió Miguel VIII Paleologo. O Imperio Bizantín de Miguel VIII yera achiquiu respecto a l'imperio anterior a la quatrena cruzada y rodeyau por estaus independients y hostils: Imperio de Trapisonda, Despotau d'Epiro, Ducau de Neopatria, Ducau d'Atenas, Principau de Morea, y las plazas costeras d'os chenoveses y venecians. Os chenoveses y venecians teneban en lurs mans totz os antigos nuclios comercials bizantins que serviban d'enlace con Orient.

Con l'aduya d'a diplomacia y a fuerza Miguel VIII enfeblió as pretensions d'os poders d'occident: o Papato, Carlos d'Anchú, Venecia.

Fuents en aragonés

En a "Cronica de Morea" parlan de Miguel VIII Paleologo:

Et en aquel tiempo el emperador de los Griegos el qual se nombraua Quir Miquali Paleologo, tomó la senyoría de Contastinoble a Baldoyn

Et huyendo el dicho Quir Miquaeli Paliologo, emperador de los Griegos, que Baldoyn era ydo en Francia por aduzir gentes pora recobrar su imperio & qu'el princep Guillen aparellaua mucha gent, quisose proueyr de muchas gentes de armas a su sueldo por defender su tierra & por recobrar la otra tierra que no auia recobrado.

Et fizo venir el duch de Quarantana con mil Alamanes & de Hongria dos mil Hungaros & de Seruia mil sieruos & de Alanos & de Comanos quatro mil, & todas estas gentes tenia a su sueldo

Bell historiador afirma que promovió as viespras secilianas contra o suyo enemigo Carlos d'Anchú.

Monedas de Miguel VIII Paleologo