Meteorito

De Biquipedia
Ir a la navegación Ir a la búsqueda
Meteorito clamau Hoba en Namibia.

Un meteorito ye una pieza solida d'enruenas d'un obchecto, como que una cometa, un asteroide u un meteroide, que s'orichina en o espacio exterior y sobrevive a o suyo paso por l'atmosfera pa plegar a la superficie d'una planeta u luna. Quan l'obchecto orichinal ingresa a l'atmosfera, quantos factors como que a fricción, a presión y as interaccions quimicas con os gases atmosfericos fan que se calient y irradie enerchía. Dimpués se convierte en un meteorito y forma una bola de fuego, tamién conoixida como estrela corredera; Os astronomos claman a os eixemplos mas brillants "bolidos". Os meteoritos vareyan muito en grandaria. Pa os cheologos, un bolido ye un meteorito pro gran como que pa creyar un crater d'impauto.

Os meteoritos que se recuperan dimpués d'estar observaus mientres tramian por l'atmosfera y impautan a Tierra se dicen caitas de meteoritos (en anglés meteorite falls). Totz os de demás se conoixen como trobos de meteoritos (en anglés meteorite finds). Dica agosto de 2018, i habió arredol d'1.412 caitas presenciadas. Dica 2018, i hai mas de 59.200 trobos de meteoritos bien documentaus.[1]

Categorías[editar | editar código]

Os meteoritos s'han dividiu tradicionalment en tres grans categorías:

  • meteoritos pedregosos que son penyas, componius prencipalment de minerals de silicato;
  • meteoritos de fierro que se componen prencipalment de níquel-fierro metalico; y
  • meteoritos de fierro pedregoso que contienen grans cantidatz de material metalico y rocoso.

Os esquemas de clasificación modernos dividen os meteoritos en grupos d'alcuerdo con a suya estructura, composición quimica y isotopica y mineralochía. Os meteoritos menors de 2 mm se clasifican como micrometeoritos. Os meteoritos extraterrestres son obchectos que han impactau atros cuerpos celestes, haigan pasau u no por una atmosfera. Han estau trobaus en a Luna y en Marte.[2]

Etimolochía[editar | editar código]

O termin meteorito promada d'o griego μετέωρος (meteoros), que significa «fenomeno en o ciel».

Nombre[editar | editar código]

Os meteoritos se nombran perén como o puesto en an estioron trobaus,​ cheneralment una ciudat proxima u bella caracteristica cheografica.[3] En os casos an muitos meteoritos son trobaus en un mesmo puesto, o nombre puede estar seguiu por un numero u una letra (eixemplo: Allan Hills 84001 u Dimmitt (b)).

Meteoritos en Aragón[editar | editar código]

Nombre Peso Calendata d'a suya caita Calendata d'escubrimiento Puesto
Azuara 40 km de diametro Fa bells 30 millions d'anyadas 1994 Azuara (restas d'o crater)
Sena 3,18 kg 17 de noviembre de 1773 17 de noviembre de 1773 Sena
Roda 0.4 kg 1871 1871 La Poblla de Roda
Zaragoza 162 kg Desconoixida 1950 L'Almunia de Donya Godina

Se veiga tamién[editar | editar código]

Referencias[editar | editar código]